Jeremaia 42:16 - Chuukese Bible

¹⁶ mürin ewe maun oua niuokusiti epwe kükemi me lon ewe fanü Isip, nge ewe lengita oua niuokusiti epwe fokun tapwerikemiila Isip. Iwe, oupwe mäla ikenan.

Jeremaia 42:16 Iomraidhean Croise

Än Salomon Fos 13:21

Feiengau a tapweri ekewe chon tipis, nge feiöch iei liwinin ekewe chon pwüng.

Jeremaia 27:8

Nge are eu mwichen aramas ika chon eu mwü resap mochen angang ngeni Nepukatnesar ewe kingen Papilon o ämwäralong üwer fän ewe waas än ewe kingen Papilon, üpwe apwüngü chon ei mwü ren maun, ren lengita me mätter tori üpwe aroserela ren pöün. Ngang ewe Samol mi Lapalap üa kapas.

Jeremaia 41:18

pokiten ekewe chon Papilon. Pun ra fokun niuokusitiir pokiten än Ismael niela Ketalia, ätewe ewe kingen Papilon a awisa pwe epwe kepinan ewe fanü.

Jeremaia 42:13

Nge are oupwe apasa, ‘Aisap nomotiu lon ei fanü,’ are oua lükümach ngeni ewe Samol mi Lapalap ämi we Kot

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Isikiel 11:8

Oua niuokusiti ewe ketilas. Nge ngang üpwe tinato remi aramas mi maun ngenikemi fän ketilas.

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”

Johannes 11:48

Are sipwe mwüt ngeni an epwe sopwela lon ei sokun lapalap, aramas meinisin repwe lükü i. Mürin repwe feito o atai ach imwenfel o angeala aramasach.”

Tuteronomi 28:15

“Nge are ousap aleasochisi alon ewe Samol mi Lapalap ämi we Kot, ousap pwal tümwünüöchü le apwönüetä an kewe allük me pwüüng meinisin üa allük ngenikemi ikenai, mürin ekei anümamau repwe feito womi o nonom mwemi.

Tuteronomi 28:22

Ewe Samol mi Lapalap epwe afeiengaukemi ren fius me pwichikar me pwo. Epwe tinala won fanüemi pwichikar watte me pwasapwas, moi me mesenipik. Ekei feiengau repwe torikemi tori oupwe rosola.

Tuteronomi 28:45

Ekei anümamau meinisin repwe torikemi, repwe tapwerikemi o tokumweekemi tori oupwe rosola, pun ousap aleasochisi alon ewe Samol mi Lapalap ämi we Kot, ousap pwal tümwünü an kewe allük me pwüüng a allük ngenikemi.