Jeremaia 42:11 - Chuukese Bible

¹¹ Oupwe ükütiu le niuokusiti ewe kingen Papilon. Ousap niuokusiti, pun ngang üa etikemi pwe üpwe amanauakemi o angasakemi seni fän nemenian.

Jeremaia 42:11 Iomraidhean Croise

2. King 25:26

Mürin, ekewe aramas meinisin, ekewe mi kis me ekewe mi lap, pwal ekewe meilapen sounfiu ra ütä o süla Isip, pun ra fokun niuokusiti ekewe chon Papilon.

Kölfel 118:6

Üsap niuokus, pun ewe Samol mi Lapalap a nom rei. Met aramas repwe tongeni föri ngeniei?

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Kölfel 46:7

Ewe Samol mi Unusen Manaman a etikich, än Jakop we Kot i ach lenien op mi pöchökül.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 43:2

Are kopwe fetal lon koluk, üpwe etuk. Are kopwe fetal lon chanpupu, öütan esap amolumuk. Nge are kopwe fetal lon ekkei, kosap kar, nge pulopulan esap kuruk.

Aisea 43:5

Kosap niuokus, pun ngang üpwe etuk. Üpwe aliwinato mwirimwirum kewe seni ötiu me lotou o achufengenikemi.

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 1:8

Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Jeremaia 15:20

Iwe, üpwe föri pwe kopwe wewe ngeni eu tit mi pöchökül seni piras ngeni ekei aramas. Ir repwe fiu ngonuk, nge resap tongeni akufuk, pun ngang üa etuk pwe üpwe amanauok o angasok.

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Jeremaia 27:12

Iwe, üa pwal kapas ngeni Setekia ewe kingen Juta lon ei chök ititin, “Oupwe ämwäralong üemi fän ewe waas än ewe kingen Papilon. Oupwe angang ngeni me nöün aramas pwe oupwe manau.

Jeremaia 27:17

Ousap fokun aüseling ngeniir. Oupwe angang ngeni ewe kingen Papilon pwe oupwe manau. Pwota ei telinimw epwe wiliti eu leni mi ta?

Jeremaia 41:18

pokiten ekewe chon Papilon. Pun ra fokun niuokusitiir pokiten än Ismael niela Ketalia, ätewe ewe kingen Papilon a awisa pwe epwe kepinan ewe fanü.

Numperis 14:9

Nge ousap fokun ü ngeni ewe Samol mi Lapalap, ousap pwal niuokusiti aramasen ewe fanü, pun ir chök okufuach. Iwe, ar apilükülük a sü seniir, nge ewe Samol mi Lapalap a etikich. Ousap fokun niuokusitiir.”

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Föför 18:10

pun ngang üpwe etuk. Esap wor eman epwe tongeni afeiengauok, pun a wor chomong nei aramas lon ei telinimw.”

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

Tuteronomi 20:4

Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’

2. Timoty 4:17

Nge ach Samol a nom rei, a atufichiei pwe üpwe tongeni arongafeili unusen ewe Kapasen Kot, pwe ekewe chon lükün Israel meinisin repwe rongorong. Iwe, üa ngas seni ar apwüngüei ngeni mäla.

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”