Jeremaia 42:10 - Chuukese Bible

¹⁰ ‘Are oupwe nomotiu lon ei fanü, mürin ngang üpwe aükemiitä, nge üsap ataakemiitiu. Üpwe fotukikemi, nge üsap üttikemiitä. Pun üa lolilenäsini ai üpwe afeiengauakemi.

Jeremaia 42:10 Iomraidhean Croise

2. Samuel 24:16

Nge lupwen ewe chon läng a aitiela pöün ngeni Jerusalem pwe epwe afeiengaua aramasan, ewe Samol mi Lapalap a lamalamala pokiten ewe feiengau o üreni ewe chon läng mi eäni ewe angangen afeiengau lein ekewe aramas, “Kopwe ükütiu. Kopwe aitietiu poum.” Nge nöün ewe Samol mi Lapalap chon läng a nom ren ewe lenien wichiwich umwun wiich än Arauna ewe re Jepus.

Kölfel 102:16

Pun ewe Samol mi Lapalap epwe aüsefälietä Sion, i epwe pwä lon lingan.

Kölfel 106:45

A chechemeni an pwon fän äsengesiir, lon an tong ellet mi lapalap a liamamala ren mine a föri ngeniir.

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Kölfel 69:35

Pun Kot epwe amanaua Sion o aüsefälietä ekewe telinimwen Juta. Mürin, nöün chon angang repwe nonom ikenan o fanüeni ewe fanü.

Ekistos 32:14

Mürin, ewe Samol mi Lapalap a siwili an ekiekin afeiengaua nöün aramas.

Jeremaia 24:6

Üpwe mamaseer o ümöümöch ngeniir, üpwe pwal aliwinisefäliir ngeni ei fanü. Üpwe afefeitäär, nge üsap ataretiu, üpwe fotukiir, nge üsap üttiretä.

Jeremaia 26:19

Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Jeremaia 31:28

Iwe, usun üa mamasa ai üpwe üttiretä o kupiretiu, pwe üpwe atururetiu, ataretiu o afeiengaueer, iei usun üpwe pwal mamasa ai üpwe aüretä o fotukiir.

Jeremaia 33:7

Üpwe aliwinisefäli ekewe chon Juta me chon Israel mi oola o aüsefäliretä, pwe repwe usun me mwan.

Jeremaia 43:4

Iei mine Johanan me ekewe meilapen mwichen sounfiu meinisin, pwal ekewe aramas meinisin resap aleasochis ngeni ewe Samol mi Lapalap, ar repwe nomotiu lon ewe fanü Juta.

Isikiel 36:36

Mürin, chon ekewe mwü mi chüen nom ünükümi repwe silei pwe ngang ewe Samol mi Lapalap, üa aüsefälietä ekewe telinimw mi tatakis, üa pwal tanipinisefäli mine a tala. Ngang ewe Samol mi Lapalap üa kapas, üpwe pwal apwönüetä.”

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Sowel 2:13

Ousap chök kamwei üfemi, nge oupwe letipeta lon lelukemi.” Oupwe kul ngeni ewe Samol mi Lapalap ämi we Kot, pun a eäni kirikiröch me chen. A songomang o tongotam, a pwal siwili an ekiekin afeiengaua aramas.

Amos 7:3

Mürin, ewe Samol mi Lapalap a siwili an ekiek o üra, “Mine ka küna esap fis.”

Amos 7:6

Iwe, ewe Samol mi Lapalap a siwili an ekiek o üra, “Mine ka küna esap pwal fis.”

Sona 3:10

Iwe, lupwen Kot a küna ar ekieksefäl me ar kul seni föförür mi ngau, a siwili an ekiek. Esap chüen ngeniir liwinin ar tipis usun a apasa epwe föri.

Sona 3:4

Iwe, Sona a tolong lon ewe telinimw ükükün fetalin eu rän. Iwe, a kökö, “Mürin faik rän Ninifa epwe tala.”

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Föför 15:16

‘Iei alon ewe Samol: Lon kan fansoun mwach üpwe liwinsefäl o aüsefälietä ewe mwün Tafit. Üpwe försefäli mine a tala o apöchökülasefäli.

Tuteronomi 32:36

Pun ewe Samol mi Lapalap epwe apwüngü nöün aramas o tongeäsini nöün kewe chon angang, lupwen a küna pwe esap chüen wor ar pöchökül, esap pwal chüen wor eman lusun, ese lifilifil ika ir amanau ika chon ngas.

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.