Jeremaia 41:10 - Chuukese Bible

¹⁰ Mürin, Ismael a liapeni ekewe lusun aramas meinisin mi chüen nom Mispa me nöün ewe king kewe föpwül, ir chokewe Nepusaratan ewe meilapen chon tümwünü ewe king a awisa Ketalia pwe epwe nemeniir. Iwe, Ismael a liapeniir o emweniir, pwe repwe feila ngeni fanüen chon Amon.

Jeremaia 41:10 Iomraidhean Croise

Nehemia 2:10

Nge lupwen Sanpalat ewe re Horon me Topia ewe nöüwisen Amon ra rong ei pworaus, ra fokun oput pwe eman a feito pwe epwe kütta feiöchün chon Israel.

Nehemia 2:19

Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Jeremaia 22:30

“Oupwe makeetiu pwe ei mwän esap wor nöün, i eman mwän esap fefeitä lon ränin manauan. Pun esap wor eman mwirimwirin epwe king o siwili Tafit le nemenem lon Juta. Ngang ewe Samol mi Lapalap üa kapas.”

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 39:6

Iwe, a niela nöün Setekia kewe mwän me fän mesan lon Ripla. Ewe kingen Papilon a pwal niela ekewe aramas tekia meinisin seni Juta.

Jeremaia 40:14

Iwe, ra üreni, “Ka silei pwe Paalis ewe kingen chon Amon a tinato Ismael nöün Netania we mwän, pwe epwe niikela?” Nge Ketalia nöün Aikam we esap lüküür.

Jeremaia 40:7

Nge ekewe meilapen ekewe sounfiun Juta mi nom lemäl fiti nöür sounfiu ra rong, pwe ewe kingen Papilon a awisa Ketalia nöün Aikam we pwe epwe kepinan ewe fanü, a pwal awisa pwe epwe nemeni ekewe mwän, fefin me semirit, chokewe mi fokun wöüngau me lon ewe fanü resap oola Papilon.