Jeremaia 41:1 - Chuukese Bible

¹ Iwe, lon ewe afisuen maram Ismael nöün Netania we, nge Netania nöün Elisama seni ewe familien king, i eman lein nöün ewe king kewe meilap, a feito me engol mwän ren Ketalia nöün Aikam we lon Mispa. Nge lupwen ra mongöfengen ikenan lon Mispa,

Jeremaia 41:1 Iomraidhean Croise

2. Samuel 3:27

Iwe, lupwen Apner a liwiniti Hepron, Joap a emwenala ngeni ewe asamalap pwe epwe ita fos ngeni le monomon. Ikenan a posu luken Apner pwe a mäla, pokiten Apner a niela Asael pwin we.

2. King 11:1

Iwe, lupwen Atalia inen Ahasia a silei pwe nöün we a ninnila, a allük pwe chon familien ewe king meinisin repwe ninnila.

2. King 25:22

Iwe, Nepukatnesar ewe kingen Papilon a seikätä Ketalia nöün Ahikam we mwän, nge Ahikam nöün Safan, pwe epwe kepinan ekewe aramas mi chüen nom lon ewe fanü Juta, chokewe ewe king a likitirela.

2. King 25:25

Nge lon ewe afisuen maram lon ei chök ier Ismael nöün Netania we mwän, nge Netania nöün Elisama seni familien ewe king, a feito Mispa fiti engol mwän o niela Ketalia. A pwal niela ekewe chon Juta me ekewe chon Papilon mi nom ren.

2. Kronika 22:10

Iwe, lupwen Atalia inen Ahasia a silei pwe nöün we a ninnila, a allük pwe chon familien ewe kingen Juta meinisin repwe ninnila.

Kölfel 109:5

Iei usun ra liwini ngeniei ngau fän iten ai föför mürina ngeniir, nge oput fän iten ai tongeer.

Kölfel 41:9

Pwal chiechiei mi fokun kan ngeniei, üa pwal fokun lükü, ätewe mi mongö rei, a ü ngeniei.

Än Salomon Fos 13:10

Lamalamtekia a afisätä anini, nge chokewe mi angei öüröürer ra tipachem.

Än Salomon Fos 27:4

Song a fokun ngau, nge lingeringer a usun chök eu noter. Nge lolowo a fokun afeiengau seniir.

Jeremaia 36:12

Mürin a feila ngeni imwen ewe king lon rumwen ewe seketeri, ia ekewe nöüwis meinisin ra mwich ie. Elisama ewe seketeri, Telaia nöün Semaia, Elnatan nöün Akpor, Kemaria nöün Safan, Setekia nöün Hanania me ekewe nöüwis meinisin ra nom.

Jeremaia 36:20

Iwe, mürin ar iseis ewe toropwe lon rumwen Elisama ewe seketeri, ra feila lon imwen ewe king o apworausa ekewe kapas meinisin ngeni ewe king.

Jeremaia 39:14

ra titi Jeremaia o emwenato seni ewe lenien chon mas. Ra lükü ngeni Ketalia nöün Aikam we mwän, nge Aikam nöün Safan, pwe epwe aliwinala lon imwan. Iei mine Jeremaia a nom lein ekewe aramas.

Jeremaia 40:13

Iwe, Johanan nöün Karea we mwän me ekewe souemwenin ekewe mwichen sounfiu meinisin mi nom lemäl ra feito ren Ketalia lon Mispa.

Jeremaia 40:5

Nge are kopwe nonomotiu, kopwe liwinla ren Ketalia nöün Aikam we mwän, nge Aikam nöün Safan. Ketalia i ätewe ewe kingen Papilon a awisa pwe epwe kepinan ekewe telinimwen Juta. Kopwe nom ren lein ekewe aramas, ika kopwe feila ia ka mochen feila ie.” Mürin, ewe meilapen chon tümwünü ewe king a ngeni Jeremaia mongö me lifang o afeiloi.

Jeremaia 40:6

Iwe, Jeremaia a feila ren Ketalia nöün Aikam we lon Mispa o nom ren ekewe aramas mi chüen nom lon ewe fanü.

Jeremaia 40:7

Nge ekewe meilapen ekewe sounfiun Juta mi nom lemäl fiti nöür sounfiu ra rong, pwe ewe kingen Papilon a awisa Ketalia nöün Aikam we pwe epwe kepinan ewe fanü, a pwal awisa pwe epwe nemeni ekewe mwän, fefin me semirit, chokewe mi fokun wöüngau me lon ewe fanü resap oola Papilon.

Jeremaia 40:8

Ikkei iten ekewe meilap: Ismael nöün Netania we mwän, Johanan nöün Karea we, Seraia nöün Tanumet, nöün Efai kewe ewe re Netofa me Jesania nöün eman re Maka. Irfengen me nöür kewe sounfiu ra feila ren Ketalia mi nom Mispa.

Isikiel 17:13

Mürin a afili eman seni familien ewe king, a föri eu pwonen atipeeu ngeni o pesei pwe epwe pwon ngeni fän akapel. Iwe, a uweela souemwen seni ewe fanü,

Johannes 13:18

“Ngang üsap kapas usumi meinisin. Üa silei chokewe üa filiiretä, nge makken lon ekewe Toropwe mi Pin epwe pwönüetä, ‘Ätewe mi mongö rei a ü ngeniei.’