Jeremaia 40:9 - Chuukese Bible

⁹ Iwe, Ketalia a pwon fän akapel ngeniir me nöür kewe sounfiu o üreniir, “Ousap niuokus, oupwe fangatä ngeni ekewe chon Papilon. Oupwe nonom lon ei fanü o angang ngeni ewe kingen Papilon, mürin meinisin epwe öch fän itemi.

Jeremaia 40:9 Iomraidhean Croise

Keneses 49:15

Iwe, lupwen ka küna pwe om lenien asösö a öch, ka pwal küna pwe ewe fanü a mürina, ka rotiu pwe kopwe uwou mettoch mi chou won afarom. Iwe, ka fangatä pwe kopwe angang usun eman amanau.

2. King 25:24

Iwe, Ketalia a anükünükü an kapas fän akapel ngeniir me nöür kewe sounfiu o üreniir, “Ousap niuokusiti ekewe meilapen chon Papilon. Oupwe nomotiu lon ewe fanü o angang ngeni ewe kingen Papilon. Mürin meinisin epwe öch fän itemi.”

Kölfel 128:2

Kopwe mongö uän angangen poum, kopwe pwapwa o feiöch.

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Kölün kechü 1:1

Iei esap chüen masou ewe telinimw Jerusalem mi ur ren aramas me lom. A fokun iteföüla me lein ekewe mwü, nge iei a usun chök eman fefin mi mä pwülüan. I eman finesamol me lein ekewe telinimw, nge iei aramas ra nöüni amanau.

Kölün kechü 5:9

Äm aia fangala manauem, lupwen aia kütta enem mongö, pun mi wor chon ni aramas me lon ewe fanüapö.