Jeremaia 40:8 - Chuukese Bible

⁸ Ikkei iten ekewe meilap: Ismael nöün Netania we mwän, Johanan nöün Karea we, Seraia nöün Tanumet, nöün Efai kewe ewe re Netofa me Jesania nöün eman re Maka. Irfengen me nöür kewe sounfiu ra feila ren Ketalia mi nom Mispa.

Jeremaia 40:8 Iomraidhean Croise

2. Samuel 10:6

Iwe, lupwen ekewe chon Amon ra mefi pwe Tafit a oput ir, ra titi o möni rüe ngeröü sounfiu mi fetal re Siria seni Peterehop me Sopa, ewe kingen Maaka fiti engeröü mwän, pwal engol me ruungeröü re Top.

2. Samuel 10:8

Iwe, ekewe re Amon ra feito o tettelila mwen asamalapen tittin ar we telinimw Rapa. Nge ekewe re Siria seni Sopa me Rehop me ekewe re Top pwal Maaka ra imwüla o tettelila lon ewe fanü mi amassawa.

2. Samuel 23:34

Elifelet nöün Ahaspai seni Maaka, Eliam nöün Ahitofel we mwän seni Kilo,

2. King 25:23

Nge lupwen ekewe meilap me nöür kewe sounfiun Juta mi op lemäl ra rong, pwe ewe kingen Papilon a seikätä Ketalia pwe epwe kepina, ra feito meinisin ren Ketalia lon Mispa. Ikkei iten ekewe meilap: Ismael nöün Netania, Johanan nöün Karea, Seraia nöün Tanumet seni Netofat, me Jasania seni Maka.

2. King 25:25

Nge lon ewe afisuen maram lon ei chök ier Ismael nöün Netania we mwän, nge Netania nöün Elisama seni familien ewe king, a feito Mispa fiti engol mwän o niela Ketalia. A pwal niela ekewe chon Juta me ekewe chon Papilon mi nom ren.

1. Kronika 11:30

Maharai seni Netofa, Helet nöün Pana we mwän seni Netofa,

1. Kronika 2:48

Nge Maka pwal eman ülüpwülüen Kalep, a nöüni Seper me Tirana.

1. Kronika 2:54

Nge ekewe mwirimwirin Salma semelapen chon Petleem: Ekewe chon Netofat, chon Atrot-Petjoap, esopun chon Manahat me ekewe chon Sor.

Esra 2:2

Iwe, nöür kewe souemwen Serupapel, Jesua, Nehemia, Seraia, Reelaia, Mortekai, Pilsan, Mispar, Pikwai, Reum me Paana. Iei iteiten ekewe mwän seni ekewe aramasen Israel mi liwinsefäl seni ar oola:

Esra 2:22

Seni Netofa lime me wonoman.

Nehemia 7:26

Iei iteiten ekewe mwän mi pwal liwinsefäl seni ar oola, lewor ra pop seni ekei telinimw: Seni Petleem me Netofa ükükün ipükü walik me waluman.

Jeremaia 37:15

Iwe, ekewe nöüwis ra fokun song ngeni Jeremaia, ra wichi o kalapusei lon imwen Jonatan ewe seketeri, pun imwan a siwil ngeni eu imwen fötek.

Jeremaia 37:20

Iei mine üa tüngor ngonuk, en ai samol ewe king, kopwe aüselingaei. Kopwe etiwa ai tüngor pwetete ngonuk, pwe kosap chüen tinisefälieila lon ewe imwen fötek mi nom lon imwen Jonatan ewe seketeri, pwe üsap mäla ikenan.”

Jeremaia 38:26

mürin kopwe üreniir, ‘Üa tüngor pwetete ngeni ewe king, pwe esap aliwinisefälieila ngeni ewe imwen fötek mi nom lon imwen Jonatan, pwe üsap mäla ikenan.’”

Jeremaia 40:11

Pwal ekewe chon Juta meinisin mi nom Moap, Amon, Etom me pwal ekoch fanü ra rongorong pwe ewe kingen Papilon a likitala ekoch aramas lon Juta o awisa Ketalia, pwe epwe nöür kepina.

Jeremaia 40:13

Iwe, Johanan nöün Karea we mwän me ekewe souemwenin ekewe mwichen sounfiu meinisin mi nom lemäl ra feito ren Ketalia lon Mispa.

Jeremaia 40:14

Iwe, ra üreni, “Ka silei pwe Paalis ewe kingen chon Amon a tinato Ismael nöün Netania we mwän, pwe epwe niikela?” Nge Ketalia nöün Aikam we esap lüküür.

Jeremaia 40:15

Mürin, Johanan a kapas ngeni Ketalia le monomon me lon Mispa, “Kopwe mwüt ngeniei pwe üpwe feila o niela Ismael nöün Netania we, nge esap wor eman epwe silei. Pwota epwe niikela, pwe ekewe chon Juta meinisin mi chufengen reöm repwe toropas, nge ekewe lusun aramas mi chüen nom lon Juta repwe rosola?”

Jeremaia 40:6

Iwe, Jeremaia a feila ren Ketalia nöün Aikam we lon Mispa o nom ren ekewe aramas mi chüen nom lon ewe fanü.

Jeremaia 41:1

Iwe, lon ewe afisuen maram Ismael nöün Netania we, nge Netania nöün Elisama seni ewe familien king, i eman lein nöün ewe king kewe meilap, a feito me engol mwän ren Ketalia nöün Aikam we lon Mispa. Nge lupwen ra mongöfengen ikenan lon Mispa,

Jeremaia 41:11

Nge lupwen Johanan nöün Karea we me ekewe souemwenin ewe mwichen sounfiu mi eti ra rong usun ewe föföringau Ismael a föri,

Jeremaia 41:2

Ismael me ekewe engol mwän mi nom ren ra ütä o niela Ketalia ren ketilas, i ätewe ewe kingen Papilon a awisa pwe epwe kepinan ewe fanü.

Jeremaia 42:1

Mürin ekewe meilapen ewe mwichen sounfiu meinisin me Johanan nöün Karea we, pwal Asaria nöün Hosaia we mwän me ekewe aramas meinisin seni ekewe mi kis tori ekewe mi lap ra feito

Jeremaia 42:8

Mürin, Jeremaia a kökkörato Johanan nöün Karea we me ekewe meilapen ewe mwichen sounfiu mi nom ren, pwal ekewe aramas meinisin seni ekewe mi kis tori ekewe mi lap

Jeremaia 43:2

Asaria nöün Hosaia we mwän me Johanan nöün Karea we me ekewe aramas mi sikesik meinisin ra üreni Jeremaia, “En ka eäni kapas chofana. Ewe Samol mi Lapalap ach we Kot esap tinukoto, pwe kopwe apasa pwe aisap feila Isip o nonom ikenan.

Jeremaia 43:5

Mürin, Johanan me ekewe meilapen ewe mwichen sounfiu meinisin ra angei chokewe mi chüen manau me lon Juta o uweerela Isip fitifengen me ekewe aramas meinisin mi liwinto seni ekewe mwü ia ra toropasfeil ie.

Tuteronomi 3:14

Iwe, Jair seni ewe ainangen Manasa a liapeni unusen ewe fanü Arkop, iei ewe fanü Pasan tori kiännin fanüen chon Kesur me chon Makat. Iwe, a aita ngeni ekewe sop Hawot-jair püsin itan we. Iei usun ra chüen iteni tori ikenai.)

Josua 12:5

A nemeni ewe chuk Hermon me Saleka me unusen ewe fanü Pasan tori kiännin fanüen chon Kesur me chon Makat, pwal esopun Kiliat tori kiännin fanüen Sihon ewe kingen Hespon.