Jeremaia 40:4 - Chuukese Bible

⁴ Nengeni, üpwe angasok ikenai seni föfön poum. Are ka mochen etiei le feila Papilon, kopwe etiei, nge ngang üpwe tümwünüöchuk. Nge are kosap mochen etiei le feila Papilon, kosap etiei. Nengeni, unusen ei fanü a nom mwom, kopwe püsin filätä ia ka mochen feila ie.

Jeremaia 40:4 Iomraidhean Croise

Keneses 13:9

Ifa usun, esap suk ngonuk unusen ei fanü? Kose mochen imwü seniei. Are ka mochen feila pelimöngün ei fanü, ngang üpwe feila pelifichin, nge are ka mochen feila pelifichin, ngang üpwe feila pelimöngün.”

Keneses 20:15

Iwe, Apimelek a üreni Apraham, “Nengeni, fanüei a nom mwom, kopwe nonom ia ka mochen nonom ie.”

Keneses 44:21

Mürin ka ürenikem pwe aipwe uwato reöm pwim we pwe kopwe küna.

Keneses 47:6

Ewe fanü Isip a mwümwü ngonuk. Kopwe alenia semom me pwiüm kewe lon ewe fanü Kosen, ewe fanü mi mürina seni meinisin. Nge are ka silei ekoch me leir mi lipwäköch le fofol man, kopwe awisa ngeniir pwe repwe foleni nei pwiin man.”

Ester 3:11

Iwe, ewe king a üreni Haman, “Kopwe amwöchü ewe moni, nge ekewe aramas üpwe müti ngonuk pwe kopwe föri mochenum ngeniir.”

Jeremaia 37:14

Nge Jeremaia a üra, “Ese pwüng. Ngang üsap mochen sü ngeni ekewe chon Papilon.” Nge Iria esap mochen aüseling ngeni. A turufi Jeremaia o emwenala ren ekewe nöüwis.

Kölün kechü 3:7

A tiela ünüki pwe üsap tongeni süla. A föti ngeniei sein mi chou.