Jeremaia 40:3 - Chuukese Bible

³ Iei a apwönüetä o föri usun mine a apasa. Pun ämi oua tipis ngeni ewe Samol mi Lapalap, pwe ousap aleasochisi, iei mine ekei feiengau ra torikemi.

Jeremaia 40:3 Iomraidhean Croise

Nehemia 9:28

Nge lupwen ra kinamwe, ra försefäli mine a ngau me fän mesom. Mürin ka asechisefälirelong lepöün chon oputeer pwe repwe nemeniir. Nge lupwen ra ekieksefäl o siö ngonuk, ka aüselingeer seni läng. Fän chomong ka angaseer lon om ümöümöch.

Nehemia 9:33

Nge en ka pwüng won meinisin mine ka föri ngenikem. En ka allükülük ngenikem, nge äm aia tipis ngonuk.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 22:8

Mürin aramas seni chomong mwü repwe pwerela lükün ei telinimw o aisfengen lefiler: Pwota ewe Samol mi Lapalap a föri ei sokun föför ngeni ei telinimw mi lapalap?

Jeremaia 39:16

pwe epwe üreni Epet-melek ewe re Itiopia, “Iei alon ewe Samol mi Unusen Manaman, ewe Koten Israel: Iei üpwele apwönüetä ai kei kapas üa üra fän äsengesin ei telinimw, pwe üpwe afeiengaua, nge üsap afeiöchü. Nge lupwen epwe pwönüetä, en kopwe küna ren mesom.

Jeremaia 44:23

Pokiten oua keni apach mi pwokus o tipis ngeni ewe Samol mi Lapalap, ousap pwal aleasochis ngeni ika föri pwüngün an kewe allük me pwüüng, ei feiengau a torikemi, usun a fis ikenai.”

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Kölün kechü 2:17

Ewe Samol mi Lapalap a föri mine a ekiekietä, a afisätä an kapasen apwüng a piin apasa me lomlom. A kata, nge esap eäni tong. A awinna chon oputom o apwapwaar ren om feiengau.

Nöün Paulus Toropwe ngeni ekewe Souläng lon Rom 2:5

Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.

Nöün Paulus Toropwe ngeni ekewe Souläng lon Rom 3:19

Iei sia silei pwe meinisin mine a mak lon ekewe Allük a fän iten chokewe mi nom fän ekewe Allük pwe epwe aükätiu än aramas meinisin künetipingen o atolonga unusen fanüfan fän än Kot kapwüng.

Tuteronomi 29:25

Mürin, aramas repwe apasa, ‘Popun a fis ei pwe ekewe chon Israel ra atai ewe pwon ewe Samol mi Lapalap än ar kewe lewo we Kot a föri ngeniir, lupwen a emwenirewu seni ewe fanü Isip.