Jeremaia 40:2 - Chuukese Bible

² Iwe, ewe meilapen chon tümwünü ewe king a angei Jeremaia o üreni, “Ewe Samol mi Lapalap om we Kot a apwüngala ei feiengau mi fis ngeni ei leni.

Jeremaia 40:2 Iomraidhean Croise

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Jeremaia 52:16

Nge Nepusaratan a likiti lon ewe fanü ekoch aramas mi fokun mwelele, pwe repwe chon angang lon tanipin wain me chon tuw pwül.

Lifitikos 26:14

Iwe, ewe Samol mi Lapalap a apasa, “Are ousap mochen aleasochisi aloi, ousap pwal apwönüetä ai kewe allük meinisin, ngang üpwe apwüngükemi.

Tuteronomi 28:15

“Nge are ousap aleasochisi alon ewe Samol mi Lapalap ämi we Kot, ousap pwal tümwünüöchü le apwönüetä an kewe allük me pwüüng meinisin üa allük ngenikemi ikenai, mürin ekei anümamau repwe feito womi o nonom mwemi.

Tuteronomi 31:17

Lupwen epwe fis ei, üpwe fokun song ngeniir. Üpwe likitirela o amona mesei seniir pwe repwe rosola. Iwe, chomong feiengau me riaföü repwe toriir, pwe repwe ais lon ewe ränin, ‘Ifa usun, ekei feiengau ra torikich pokiten ach Kot esap nom lefilach?’

Tuteronomi 32:19

Lupwen ewe Samol mi Lapalap a küna ar föför, a song o pöütala nöün mwän me fefin.