Jeremaia 4:9 - Chuukese Bible

⁹ Iei alon ewe Samol mi Lapalap, “Lon ena rän leluken ewe king me ekewe nöüwis repwe kisikisila, ekewe souasor repwe rükö, nge ekewe soufos repwe mairü.”

Jeremaia 4:9 Iomraidhean Croise

2. King 25:4

Mürin, ekewe sounfiu ra pwangenalong tittin ewe telinimw. Iwe, mwo än ekewe sounfiun Papilon nom pwelin ünükün ewe telinimw, ewe king me ekewe sounfiu meinisin ra süla lepwin won ewe al ngeni ewe asamalap lefilen ekewe ruu tit ren tanipin ewe king. Iwe, ra süla ngeni akawenewenen ewe lemolun Jortan.

Kölfel 102:4

Lelukei a tatakis usun fetil mi pöküpök o pwasapwas. Üsap chüen mwon mongö.

Aisea 19:16

Lon ena fansoun chon Isip repwe wewe ngeni fefin, repwe chechech fän niuokus, lupwen repwe küna pwe ewe Samol mi Unusen Manaman a ü ngeniir.

Aisea 19:3

Iwe, esap chüen wor än chon Isip pwora, nge ngang üpwe ataela mine ra ekiekin föri. Repwe tüngor ar alilis seni ar kewe uluulun anümwäl o angei öüröürer seni ar kewe sourong me souawarawar me soupwe.

Aisea 28:19

Epwe afeiengauakemi iteiten fansoun a torikemi. Iteiten lesosor epwe torikemi, epwe pwal torikemi lerän me lepwin. Nge ir mi wewe ren ei pworaus repwe chök fokun niuokus.

Jeremaia 2:26

Usun eman chon solä a itengau lupwen a oo, iei usun ämi chon Israel oupwe itengau: Ämi me ämi kewe king, pwal nöümi kewe nöüwis, nöümi kewe souasor me soufos.

Jeremaia 25:34

Ämi chon mas, oupwe kechü o ngüngüres, ämi souemwenin nei aramas, oupwe asokopälakemi lon pwül. Pun fansoun ämi ninni a war. Oupwe turutiu o tatakis usun eu pör mi mürina.

Jeremaia 37:19

Ikafair nöümi kewe soufos ra osuni ngenikemi o üra, ‘Ewe kingen Papilon esap feito pwe epwe maun ngenikemi me ei fanü?’

Jeremaia 48:41

Epwe liapeni ekewe telinimw me ekewe imwen maun mi pöchökül. Lon ena rän, ekewe sounfiun Moap repwe niuokus usun chök eman fefin, lupwen a tori an cheuchen fam.

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 52:7

Mürin, ekewe sounfiu ra pwangenalong tittin ewe telinimw. Iwe mwo än ekewe chon Papilon nom pwelin ünükün ewe telinimw, ekewe sounfiu meinisin ra süwu seni ewe telinimw lepwin won ewe al ngeni ewe asamalap lefilen ekewe ruu tit ren tanipin ewe king. Iwe, ra süla ngeni akawenewenen ewe lemolun Jortan.

Föför 13:41

‘Oupwe nengeni ämi chon turunufasei alon Kot! Oupwe weitifengenikemi o mäla! Pun ngang üpwe föri ngenikemi och föför lon ränin manauemi, ämi ousap fokun mochen lükü, inamwo are eman epwe awewe ngenikemi.’”