Jeremaia 4:8 - Chuukese Bible

⁸ Pokiten ei oupwe üföüf üf seni tuk, oupwe kechü o ngüngüres. Pun än ewe Samol mi Lapalap song mi fokun watte esap säp senikemi.”

Jeremaia 4:8 Iomraidhean Croise

Kölfel 78:49

Ren an song mi fokun watte ngeniir, ren an lingeringer me an koput a esen ngeniir pwe repwe tolong lon riaföü. Ei a usun chök eu mwichen chon läng mi feito o afeiengaueer.

Aisea 10:4

Esap wor och mine oupwe tongeni föri lükün chök ämi oupwe nom lein chon oola ika lein chokewe mi mäla lon maun. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 13:6

Oupwe pupuchör, pun a arap ränin ewe Samol mi Lapalap, ewe rän mi awarato feiengau me ren ewe Kot mi Unusen Manaman.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Aisea 32:11

Oupwe chechech fän niuokus, ämi fefin mi kinamwe fän chipwang, oupwe chechech, ämi mi ekieki pwe oua nonomöch. Iwe, oupwe pwilitawu üfemi o aea uros mangaku seni tuk.

Aisea 5:25

Iei mine ewe Samol mi Lapalap a fokun song ngeni nöün aramas o aitiela pöün pwe epwe apwüngüür. Iwe, ekewe chuk repwe chechech, nge ekewe somä repwe nonom won ekewe al usun chök pipi. Iei mwo nge än Kot song esamwo kul seniir, pöün a chüen afeiengaueer.

Aisea 9:12

Ekewe chon Siria mi nom ötiu me ekewe chon Filistia mi nom lotou ra amasala awer o oromala Israel. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:21

Ekewe aramasen Manasa me ekewe aramasen Efraim ra püsin nifengeniir. Nge ir meinisin ra ni ekewe aramasen Juta. Iwe, lon ekei feiengau än Kot song esap kisikisila, nge pöün a chüen afeiengaueer.

Jeremaia 25:34

Ämi chon mas, oupwe kechü o ngüngüres, ämi souemwenin nei aramas, oupwe asokopälakemi lon pwül. Pun fansoun ämi ninni a war. Oupwe turutiu o tatakis usun eu pör mi mürina.

Jeremaia 30:24

Än ewe Samol mi Lapalap song mi watte esap kul tori epwe afisätä o awesala mine a ekieki lon lelukan. Lon ekewe fansoun mürin oupwap weweiti usun ekei mettoch.

Jeremaia 48:20

Repwe pälüeni, ‘Moap a itengau, pun a tatakis. Oupwe kechü o püchör. Oupwe asilefeili aroppen ewe chanpupu Arnon pwe Moap a tala.’

Jeremaia 6:26

Ewe Samol mi Lapalap a üreni nöün aramas, “Oupwe üföüf üf seni tuk o asokopelakemi lon falangen ekkei. Oupwe ngüngüres usun eman a ngüngüres won nöün aleman, oupwe fokun kechüangau, pun ewe chon kata epwe müttir wareitikemi.

Kölün kechü 1:12

“Ifa usun, ämi meinisin mi pwerela ünüki ousap ekieki usun ei feiengau? Oupwe nenengeni o küna, ika mi wor och riaföü usun ei riaföü ewe Samol mi Lapalap a atoto woi lon ewe ränin a fokun song ngeniei.

Isikiel 21:12

Kopwe kechü o ngüngüres, nöün aramas, pun ewe ketilas epwe fiu ngeni nei aramas, epwe pwal fiu ngeni ekewe samolun Israel meinisin. Iwe, irfengen me nei aramas repwe mäla ren. Iei mine kopwe üwepworotiu fän om letipeta.

Isikiel 30:2

“Nöün aramas, kopwe osuni o apasa pwe iei aloi ngang Kot ewe Samol mi Lapalap: Oupwe ngüngüres usun ewe ränin feiengau.

Sowel 1:13

Oupwe üföüf üf seni tuk o kechü, ämi souasor mi angang ngeni ewe rongen asor. Oupwe feito o ngüngüres lon üfemi seni tuk lon unusen pwin, ämi nöün ai we Kot chon angang. Pun asoren mongö me asoren ün esap chüen fis lon imwenfelin ämi we Kot.

Amos 8:10

Üpwe awili ämi kewe fansoun chulap ngeni fansoun letipeta me ämi kölün pwapwa ngeni kölün kechü. Üpwe föri pwe ämi meinisin oupwe üföüf üf seni tuk o räisöüla möküremi. Lon ena fansoun üpwe föri pwe oupwe letipeta usun eman a letipeta ren nöün aleman mi mäla. Meinisin mine a fis epwe sopolong lon riaföü.

Mika 1:16

Oupwe fichi möküremi fän ämi letipeta pokiten ekewe semirit oua echeniir. Oupwe reipöpöla möküremi, pwe oupwe wewe ngeni ekewe ikel mi paan, pun nöümi kewe repwe oola senikemi.

Numperis 25:4

Iwe, ewe Samol mi Lapalap a üreni Moses, “Kopwe angei ekewe samolun aramas meinisin, kopwe nirela o eitiweer fän akar me fän mesei, pwe pöchökülen ai song epwe kul seni ekewe chon Israel.”