Jeremaia 4:5 - Chuukese Bible

⁵ Oupwe asilefeili lon Juta o arongafeili lon Jerusalem, “Oupwe ettiki ewe rappwa lemenen ewe fanü, oupwe kökkö fän leüömong o apasa, ‘Ousipwe chufengen o feilong lon ekewe telinimw mi pöchökül tittir.’

Jeremaia 4:5 Iomraidhean Croise

Aisea 28:19

Epwe afeiengauakemi iteiten fansoun a torikemi. Iteiten lesosor epwe torikemi, epwe pwal torikemi lerän me lepwin. Nge ir mi wewe ren ei pworaus repwe chök fokun niuokus.

Jeremaia 11:2

“Kopwe aüselinga kapasen ei pwon o apworausa ngeni ekewe aramasen Juta me chon Jerusalem.

Jeremaia 35:11

Nge lupwen Nepukatnesar ewe kingen Papilon a feito pwe epwe maun ngeni ewe fanü, äm aia tipeeufengen pwe aipwe feila Jerusalem, pun aia niuokusiti ekewe sounfiun Papilon me ekewe sounfiun Siria. Iei popun äm aia nom lon Jerusalem.”

Jeremaia 5:20

Kopwe asile ngeni ekewe mwirimwirin Jakop ei pworaus o aronga ngeni chon Juta:

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Jeremaia 8:14

Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Jeremaia 9:12

Iwe, üa ais, “Ai Samol mi Lapalap, pwota ewe fanü a tala o pönüla usun eu fanüapö, pwe esap wor eman a pwerela lon? Iö a tipachem pwe epwe tongeni weweiti ei? Nge iö ka awewe ngeni, pwe epwe tongeni awewe ngeni aramas?”

Isikiel 7:14

Iwe, ra ettiki rappwa o amolätä meinisin. Nge esap wor eman a feila maun, pun Kot a song ngeniir meinisin.

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Sowel 2:1

Oupwe ettiki rappwa lon Sion, oupwe asilesil me won ewe chukun Kot mi Pin usun ewe feiengau epwe war. Oupwe chechech, ämi aramasen Juta meinisin, pun ränin ewe Samol mi Lapalap a war.

Amos 3:6

Ifa usun, aramas resap niuokus lupwen ra rongorong tikin rappwan maun me lon eu telinimw? Ifa usun, epwe fis feiengau lon eu telinimw, are ewe Samol mi Lapalap esap awarato?

Amos 3:8

Are eman laion a wörüwör, iö esap niuokus? Are Kot ewe Samol mi Lapalap a kapas, iö esap asilefeili an kapas?”

Numperis 10:2

“Kopwe föri ruofoch rappwa seni silifer mi nechenech ngeni ama. Iwe, kopwe ettikiir, lupwen kopwe körifengeni ekewe aramasen Israel, pwal lupwen repwe atomwala imwer.

Numperis 10:3

Iwe, lupwen ekewe ruofoch rappwa repwe tikitam, ekewe aramasen Israel meinisin repwe mwichefengen reöm leasamalapen ewe imw mangaku ia aramas ra churiei ie.

Josua 10:20

Iwe, Josua me ekewe re Israel ra nirela o aroserela, chilon chök ekoch mi süri ekewe telinimw mi tit.