Jeremaia 4:4 - Chuukese Bible

⁴ Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 4:4 Iomraidhean Croise

2. Kronika 34:25

Pokiten ra likitieila o kenala apach mi pwokus ngeni pwal ekoch kot, ra pwal asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

Aisea 10:17

Iwe, Kot ewe saramen Israel epwe wiliti ekkei, Ewe mi Pin lon Israel epwe usun chök ngetenget. Epwe kenala o arosala pwal mwo nge pötöwölingauen Asiria me an iräfölüföl lon eu chök rän.

Aisea 30:33

Pun eu lenien ekkei a amol seni me lomlom. Ewer, a amol fän iten ewe kingen Asiria. Iwe, pwangen ewe lenien ekkei a alolol pwal chölap, a pwal ur ren chomong amüch me ekkei. Enienin ngasangasen ewe Samol mi Lapalap mi usun chök ütten primston epwe fisi.

Aisea 51:17

Kopwe nela o pwätä, en Jerusalem, en mi ün seni än ewe Samol mi Lapalap kapen apwüng, a aünü ngonuk fän an song. Ka pwal apöla lölön ewe kap, iwe, ka mwäliel ren.

Jeremaia 15:14

Üpwe föri pwe repwe angang ngeni chon oputer me lon eu fanü resap silei. Pun ai song a usun chök ekkei mi pulopul tori feilfeilachök.”

Jeremaia 21:12

ämi ekewe mwirimwirin Tafit: Oupwe eäni kapwüng fän wenechar iteiten rän, oupwe angasa ekewe mi riaföü seni ekewe chon ariaföüür. Pun are ousap föri ei, ai lingeringer epwe kü usun ekkei esap tongeni kunula, pokiten ämi föföringau.

Jeremaia 21:5

Püsin ngang üpwe maun ngenikemi lon ai song, lon ai chou me lon ai lingeringer mi fokun watte ren pei mi manaman o aköüpöü.

Jeremaia 23:19

Nengeni, än ewe Samol mi Lapalap lingeringer a usun chök eu mölümöl, usun eu ewiniär mi märäkukulfetal won möküren ekewe aramasangau.

Jeremaia 36:7

Eli repwe iotekin tüngor ngeni ewe Samol mi Lapalap o kul seni ar föför mi ngau. Pun a fokun watte än ewe Samol mi Lapalap song me lingeringer a apwüngü ngeni ekei aramas.”

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 9:25

Iei alon ewe Samol mi Lapalap, “Epwe war ewe fansoun, lupwen üpwe apwüngü chokewe ra chök sirkomsais ren inisir:

Jeremaia 9:26

Ekewe chon Isip me Juta, chon Etom me Amon, chon Moap me chokewe mi nonom lon ewe fanüapö mi toau. Pun chon ekei mwü meinisin resap sirkomsais, pwal chon Israel resap sirkomsais lon leluker.”

Kölün kechü 4:11

Ewe Samol mi Lapalap a aunusawu an lingeringer, a ninätiu an song mi chou. A aküüw eu ekkei lon Sion mi kenala longolongun.

Isikiel 16:38

Iwe, üpwe apwünguk fän iten om lisowu me nimanau. Üpwe apwünguk fän ai song me lingeringer, pwe kopwe ninnila.

Isikiel 18:31

Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?

Isikiel 20:33

Mwo manauei, ngang Kot ewe Samol mi Lapalap üa apasa: Üpwe nemenikemi ren pei mi pöchökül o manaman, üpwe pwal awarato ai lingeringer womi.

Isikiel 21:17

Pwal ngang üpwe alopolop o awesi ai lingeringer. Ngang ewe Samol mi Lapalap üa kapas.”

Isikiel 24:13

Jerusalem, om mocheisou iei om limengau. Iwe, üa sotuni ai üpwe limetuk, nge kosap limöchüla. Iei mine kosap fokun limöch, tori üpwe amüchü ai lingeringerituk.

Isikiel 24:8

Üa likitala ewe cha won achau, ewe ia esap tongeni irela me ie. Ei üa föri pwe üpwe aüfarafarätä ai lingeringer o ngeniir chappen ar föför.”

Isikiel 44:7

Pun oua mwüt ngeni chon ekis pwe repwe tolong lon ai leni mi pin o apiningaua, ir resap sirkomsais, resap pwal aleasochisiei. Iwe, lupwen ra nom, oua pwal eäni asoren mongö ngeniei, asoren kiris me cha. Ren ei oua awateela ämi föför mi anioput o ataela ämi pwon ngeniei.

Isikiel 6:12

Iwe, ir mi nom won fanü toau repwe mäla ren mätter, nge ir mi nom won fanü mi arap repwe mäla lon maun, nge ir mi chüen manau me mürin repwe mäla ren lengita. Iei usun üpwe fokun song ngeniir.

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Lifitikos 26:28

mürin üpwe pwal ü ngenikemi lon ai song o püsin emiritikemi fän fisu lap seni me mwan pokiten ämi tipis.

Lifitikos 26:41

iei popun ngang üa pwal ü ngeniir o tinirela lon fanüen chon oputer. Iwe, lupwen leluker mi ülöförea epwe tekison pwe ra angei chappen ar tipis,

Amos 5:6

Oupwe kütta ewe Samol mi Lapalap pwe oupwe manau. Are ousap kütta i, epwe feito won chon Israel usun eu ekkei. Ewe ekkei epwe kenala ekewe aramasen Petel, nge esap wor eman epwe tongeni kunuela.

Sefanaia 2:2

me mwen eman epwe asükemiila usun asepwäl a ässala pön wiich, me mwen epwe wareitikemi än ewe Samol mi Lapalap song mi fokun watte, pwal mwen epwe torikemi ränin än ewe Samol mi Lapalap lingeringer.

Nöün Paulus Toropwe ngeni ekewe Souläng lon Rom 2:25

Are ka aleasochisi ekewe Allük, om sirkomsais a lomot, nge are ka aleasolap ngeni ekewe Allük a usun chök pwe kosap fokun sirkomsais.

Tuteronomi 10:16

Iei mine oupwe limeti lelukemi, nge ousap chüen tipeförea.

Tuteronomi 30:6

Ewe Samol mi Lapalap ämi we Kot epwe limeti lelukemi me leluken mwirimwirimi kewe, pwe oupwe echeni i ren unusen lelukemi pwal ren unusen ngünümi, pwe oupwe manau.

Tuteronomi 32:22

Pun eu ekkei a ngetenget ren ai song, epwe küri epin lenien sotup, epwe kenala fanüfan me mine a mär won, epwe pwal keni longolongun ekewe chuk.

Kolose 2:11

Lon Kraist oua sirkomsais, sap ren ewe sirkomsais aramas ra föri, nge ren ewe sirkomsais Kraist a föri, pwe oua ngas seni fän nemenien fitukemi mi tipis.