Jeremaia 4:3 - Chuukese Bible

³ Pun iei alon ewe Samol mi Lapalap ngeni ekewe chon Juta me chon Jerusalem, “Oupwe tuw ewe pwül esamwo tu, nge ousap amworafeili ekewe pwükil lein iräfölüföl.

Jeremaia 4:3 Iomraidhean Croise

Keneses 3:18

Pwül epwe amäri ngonuk iräfölüföl me pötöwölingau, nge kopwe mongö irän lemäl.

Ekistos 23:11

Nge lon ewe afisuen ier ousap fotuki ewe fanü, nge oupwe likiti pwe ekewe chon mwelele me lein aramasemi repwe mongö seni mine a püsin pwükütä. Iwe, mine ir ra likiti, manmwacho repwe tongeni mongö. Iei usun oupwe pwal föri ren ämi tanipin irän wain me tanipin irä olif.

Osea 10:12

Oupwe tuw ämi pwül esamwo tu me mwan. Oupwe amora pwüng fän itemi pwe oupwe kini ewe ua tong ellet. Pun a tori fansoun ämi oupwe kütta ewe Samol mi Lapalap tori epwe war o awarato manau womi.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 13:7

Pwal ekoch föün ra mworotiu lein iräfölüföl. Iwe, ekewe iräfölüföl ra mämäritä o amopu ekewe irä.

Markus 4:7

Pwal ekoch föün ra mworotiu lein iräfölüföl. Iwe, ekewe iräfölüföl ra mämäritä o amopu ekewe irä, pwe resap tongeni ua.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

Lukas 8:7

Pwal ekoch kewe föün ra mworotiu lein iräfölüföl. Iwe, ekewe iräfölüföl ra märipökütä me ekewe irä o ra amopu ekewe irä.