Jeremaia 4:26 - Chuukese Bible

²⁶ Üa küna pwe ewe fanü mi mürina a wiliti eu fanüapö, nge ekewe telinimwen lon ra tatakisila pokiten än ewe Samol mi Lapalap song mi fokun watte.

Jeremaia 4:26 Iomraidhean Croise

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Kölfel 76:7

Nge en echök, ai Samol mi Lapalap, aramas repwe niuokusituk. Iö a tongeni ü me mwom, lupwen ka song?

Jeremaia 12:13

Ra amwora föün wiich, nge ra kini iräfölüföl, ra olusumwäliir le angang, nge esap wor lomotan. Repwe säw ren mine ra kini pokiten ai song mi watte.”

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 25:11

Unusen ei fanü epwe tala o pönüla, nge chon ekei mwü repwe angang ngeni ewe kingen Papilon lon ükükün fik ier.

Jeremaia 7:34

Iwe, üpwe aükätiu kölün mweireir me pwapwa pwal apwapwan mongön apwüpwülü me lon ekewe telinimwen Juta pwal won ekewe alen Jerusalem. Pun ewe fanü epwe wiliti eu fanü mi pöön.

Jeremaia 9:10

Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Kölün kechü 2:7

Ewe Samol esap chüen aücheani an we rongen asor, a likitala imwan we mi pin. A mwüt ngeni chon oputach pwe repwe ataela etippan. Ra mweireiren win lon imwen ewe Samol mi Lapalap usun ewe mweireir a fis lon ekewe ränin chulap.

Lifitikos 26:31

Üpwe atai ämi kewe telinimw o apönü ämi kewe leni mi pin. Üsap fokun etiwa ämi kewe asor oua keni.

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Sefanaia 1:18

Sap ar silifer ika ar kolt epwe tongeni angaseer lon ewe ränin än ewe Samol mi Lapalap lingeringer. Unusen fanüfan epwe karala ren ekkeiin an lingeringer, pun epwe müttir le awesi manauen chon fanüfan meinisin.