Jeremaia 4:22 - Chuukese Bible

²² Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Jeremaia 4:22 Iomraidhean Croise

Keneses 39:16

Iwe, ewe fefin a iseis üfen Josef ren, tori an samol a liwiniti imwan.

2. Samuel 13:3

Nge a wor eman chienen Amnon itan Jonatap nöün Simea mwän, nge Simea pwin Tafit. Iwe, Jonatap eman mi fokun tipachemsolä.

Kölfel 36:3

An kewe kapas ra mwäl me chofana. Esap chüen föri föför mi mirit me mürina.

Kölfel 36:4

Lupwen a kon won an peet, a ekiekietä mine a ngau. Esap mwo nge föri mine a mürina, esap pwal oput mine a ngau.

Kölfel 53:4

Ewe Samol mi Lapalap a ais, “Ifa usun, esap wor än ekewe chon föföringau mirit? Ir chokewe mi manau seni mine ra soläni seni nei aramas, nge resap iotek ngeniei.”

Kölfel 82:5

Iwe, esap wor ar sile ika mirit, ra chök fetal lon rochopwak. Ra ataela ekewe pwüüng ekewe mwün fanüfan ra longolong won.

Än Salomon Fos 28:5

Aramas mi ngau resap weweiti pwüng, nge chokewe mi niuokusiti ewe Samol mi Lapalap ra unusen weweiti.

Aisea 1:3

Eman kow a silei an samol, nge eman aas a silei ewe sepi an samol a amongöü lon. Nge ar sile a kon lap seni än chon Israel sile, nei aramas kana esap wor ar wewe.”

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 13:23

Ifa usun, eman chon Itiopia a tongeni siwili anüanün ünüchan, ika ewe man itan lepart a tongeni siwili tiketikan? Ika ina, pwal en mi örüni föföringau, ka tongeni föri mine a mürina.

Jeremaia 2:8

Ekewe souasor resap ais, ‘Ifa i ewe Samol mi Lapalap?’ Chokewe mi silelap allük resap sileei, ekewe souemwen ra ü ngeniei, nge ekewe soufos ra osuni fän iten ewe anü Paal o fel ngeni ekewe uluulun anümwäl mi lomotongau.

Jeremaia 4:21

Ifa ükükün fansoun ai üpwe chök küna ewe filäiken maun o rongorong tikin ewe rappwa?

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Jeremaia 5:4

Mürin üa ekieki, “Ir chök aramas mi kis, esap wor ar mirit, pun resap silei letipen ewe Samol mi Lapalap ika än ar we Kot allük.

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Jeremaia 9:5

Iteiten eman me eman a atupu chiechian, nge esap wor eman a apasa mine a let. Ra aörüni ngeni chönawer kapas chofana, resap fokun mochen ükütiu le föri tipis.

Isikiel 16:30

Iwe, Kot ewe Samol mi Lapalap a apasa, “A wiliwilikis lelukom, pwe ka chök föri ekei sokun föför usun eman mi amömö inisin o fokun säwemang.

Osea 4:1

Ämi chon Israel, oupwe rongorong än ewe Samol mi Lapalap kapas. Pun iei an kapasen atipisi chon ewe fanü: Esap wor allükülük ika tong me lon ewe fanü, esap pwal wor ar silei pwe ngang ar Kot.

Osea 4:6

Nei aramas ra feiengau, pun resap wesewesen sileei. Pokiten oua oput ämi oupwe sileei, ngang üpwe pwal oput ämi oupwe nei souasor. Pokiten oua manlükala ewe allük än ämi we Kot, ngang üpwe pwal manlükala nöümi kewe.

Osea 5:4

Ar kewe föför mi ngau a epeti ar repwe liwiniti ar we Kot. Pun ekiekin angangen fel ngeni anümwäl a nom lor, nge resap silei ewe Samol mi Lapalap.

Amos 3:10

Iei alon ewe Samol mi Lapalap, “Ekei aramas resap silei ar repwe föri mine a pwüng, ir chokewe mi amasoua imwer kewe imwen king ren pisek ra angei fän mwänewüs me solä.

Mika 2:1

Feiengauen chokewe mi ekiekietä mine a ngau o pwüngü rawangau me won kier. Lupwen a ränila, ra afisi mine ra ekieki, pun a nom rer ewe pöchökül ar repwe föri.

Mika 7:3

Ra fokun sipeöch le föri mine a ngau. Ekewe nöüwis me soukapwüng ra angei lifangen amichimich. Ekewe aramas tekia ra apasawu mochenin letiper, ir meinisin ra rawangaufengen.

Lukas 16:8

Iei mine ewe samol a ingeiti ewe chon souwa mi atuputup, pun a eäni tipachem lon an föför. Pun aramasen ei fanüfan ra kon tipachem lon ar angang ngeni pilor kana, lap seni ekewe aramas mi nonom lon saram.”

Johannes 16:3

Aramas repwe föri ekei sokun föför ngenikemi, pun resap mwo silei Semei, resap pwal sileei.

Nöün Paulus Toropwe ngeni ekewe Souläng lon Rom 1:22

Ra apasa pwe ra tipachem, nge ra tiparoch.

Nöün Paulus Toropwe ngeni ekewe Souläng lon Rom 1:28

Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

Nöün Paulus Toropwe ngeni ekewe Souläng lon Rom 16:19

Aramas meinisin ra rongorong usun ämi aleasochis ngeni ewe Pworausen Manau, iei popun üa pwapwa usumi. Üa mochen ämi oupwe miritikai ngeni met a mürina, nge oupwe miritimang ngeni mine a ngau.

Nöün Paulus Toropwe ngeni ekewe Souläng lon Rom 3:11

Esap wor eman mi mirit, esap wor eman mi kütta Kot.

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

Tuteronomi 32:28

Iwe, chon Israel eu mwü esap wor chon öüreer, esap wor ar mirit.

Tuteronomi 32:6

Ifa usun, iei ämi kilisou ngeni ewe Samol mi Lapalap, ämi aramas mi tiparoch o umwes? Ifa usun, sap i sememi we mi förikemi, a afisikemiitä pwe oupwe eu mwü.