Jeremaia 4:2 - Chuukese Bible

² are oupwe pwon fän akapel itei fän let, pwüng me wenechar, mürin chon ekewe mwü repwe kütta ar feiöch me rei, repwe pwal mwareitiei.”

Jeremaia 4:2 Iomraidhean Croise

Keneses 22:18

Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”

1. King 3:6

Salomon a üra, “En ka eäni tong mi lapalap ngeni noum chon angang Tafit semei we, pun i a allükülük o pwüng, a pwal wenechar lelukan ngonuk. Iwe, ka sopwela om tong mi lapalap ngeni ren om fang ngeni eman nöün mwän mi siwili lon wisan wisen king ikenai.

Kölfel 72:17

Amwo iten ewe king epwe nonom tori feilfeilachök, nge iteüöchün epwe nonom ükükün fansoun akkar a nonom. Chon ekewe mwü meinisin repwe angei ar feiöch me ren, nge ir repwe apasa pwe i a feiöch.

Kölfel 99:4

En king mi manaman, ka efich pwüng. Ka anüküchara mine a wenechar, ka föri mine a pwüng me wenechar lon Israel.

Aisea 45:23

Iwe, üa püsin akapelüei, nge kapasen awei a let, esap pwal siwil, ‘Aramas meinisin repwe feito o fotopwäsuk ngeniei, nge ir meinisin repwe pwon fän akapel, pwe repwe allükülük ngeniei.’

Aisea 45:25

Nge ren ewe Samol mi Lapalap ekewe mwirimwirin Israel meinisin repwe küna pwüng, repwe pwal mwänek.”

Aisea 65:16

Iö a mochen tüngor an feiöch me lon ewe fanü, epwe tüngor an feiöch me ren ewe Kot mi let, nge iö a pwon fän akapel me lon ewe fanü, epwe apelü ewe Kot mi let. Pun ekewe riaföün fansoun lom ra manlüküla, ra monola seniei.”

Jeremaia 10:10

Nge en Samol mi Lapalap ewe Kot mi let. En ewe Kot mi manau me ewe king mi nom tori feilfeilachök. Lupwen ka song, fanüfan a chechech, nge chon ekewe mwü resap tongeni manau fän om song.

Jeremaia 12:15

Nge mürin ai üttiretä, üpwe pwal tongeesefäliir o aliwiniir ngeni en me fanüan, pwal en me lenian.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 16:19

Ai Samol mi Lapalap, en ai pöchökül me imwei imwen maun, en ai lenien op lon fansoun riaföü. Chon ekewe mwü repwe feito reöm seni lesopun fanüfan o apasa, “Esap wor och äm kewe lewo ra fel ngeni, ngei kot mi mwäl, ekewe uluulun anümwäl mi lomotongau.

Jeremaia 3:17

Are epwe tori ena fansoun, Jerusalem epwe iteni än ewe Samol mi Lapalap lenien mot, nge chon ekewe mwü meinisin repwe mwichefengen lon Jerusalem pwe repwe fel ngeniei. Resap chüen ülöförea le apwönüetä ekiekingauen leluker.

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Jeremaia 5:2

Inamwo ika ra apasa, “Mwo manauen ewe Samol mi Lapalap,” nge ir ra chök akapelmwäl.

Jeremaia 7:5

Oupwe wesewesen siwili manauemi me ämi kewe föför o wesewesen eäni pwüng lefilemi.

Jeremaia 9:24

Nge ewe mi aingaing epwe aingaing lon an eäni weweöch o sileei, pwe ngang ewe Samol mi Lapalap mi eäni tong ellet, pwüng me wenechar won fanüfan. Pun ikei ekei föför üa pwapwa ren. Ngang ewe Samol mi Lapalap üa kapas.”

Osea 2:19

Israel, üpwe angeek pwe pwülüei tori feilfeilachök. Üpwe pwülüenuk lon pwüng me let, lon tong ellet me ümöümöch.

Sowel 2:12

Iwe, ewe Samol mi Lapalap a apasa, “Iei otun oupwe kul ngeniei seni unusen letipemi fän echikefel, fän kechü me ngüngüres.

Sekaraia 8:8

Üpwe emwenireto pwe repwe imweimw lon Jerusalem. Iwe, ir repwe nei aramas, nge ngang üpwe ar Kot o nemeniir fän allükülük me pwüng.”

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

2. Korint 10:17

Iei usun mine a mak lon ekewe Toropwe mi Pin, “Iö a mochen aingaing epwe fokun aingaing won ach Samol.”

Kalatia 3:8

Ekewe Toropwe mi Pin ra fen pwärätä me mwan, pwe Kot epwe anomu ekewe chon lükün Israel lon tettelin chon pwüng ren ar lükülük. Iei usun mine a mak lon ekewe Toropwe mi Pin usun ewe Pworausen Manau a tori Apraham, “Aramas meinisin won fanüfan repwe küna feiöch reöm.”

Tuteronomi 10:20

Iwe, oupwe meniniti ewe Samol mi Lapalap ämi we Kot, oupwe angang ngeni o fitipacheiti, oupwe chök eäni itan le pwon.

Tuteronomi 4:30

Iwe, lupwen oua nom lon riaföü, nge ekei mettoch meinisin repwe torikemi lon kan rän mwach, mürin oupwe liwiniti ewe Samol mi Lapalap ämi we Kot o aleasochis ngeni.

Tuteronomi 6:13

Oupwe meniniti ewe Samol mi Lapalap ämi we Kot. Oupwe fel ngeni i chök o eäni itan le pwon fän akapel.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

Rut 3:13

Iwe, kopwe chök nonom lon ei pwinin. Nge lesosorun lesor sipwe pi are ätewe epwe föri wisan ngonuk usun wisen märärin pwülüom. Are epwe föri ina usun, a öch. Nge are esap mochen föri wisan ngonuk, üa akapel iten ewe Kot mi Manau pwe üpwe föri wisei ngonuk. Iwe, kopwe chök kokon tori lesosorun lesor.”

1. Samuel 20:3

Nge Tafit a pälüeni, “Semom we a fokun silei pwe en ka fokun echeniei. Ina popun a ekieki pwe esap öch om kopwe silei an we föför, pwe kete letipeta ren. Nge ellet, mwo manauen ewe Samol mi Lapalap me manauom, a chök wor eu ipw lefilei me mäla.”