Jeremaia 4:18 - Chuukese Bible

¹⁸ Om kewe lapalap me om kewe föför ra awarato ei feiengau womw. Iei popun ka küna apwüng ren, eu apwüng mi fokun aweires. A fokun küw lelukom.

Jeremaia 4:18 Iomraidhean Croise

Kölfel 107:17

Ekoch aramas ra samau ren ar föförün tipis, ra pwal riaföü pokiten ar föför mi ngau.

Än Salomon Fos 1:31

iei mine oupwe kini uän ämi föför, oupwe notä ren mine oua püsin ekiekietä.

Än Salomon Fos 5:22

Än ewe aramasangau föföringau ra püsin likatupu i, a oo lon püsin an tipis.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 14:16

Nge ekewe aramas ir ra osuni ngeniir repwe ninnila usun chök ekewe soufos. Somär repwe koturulong lon ekewe alen Jerusalem, nge esap wor eman epwe peiaseniir. Ei epwe fis ngeniir meinisin fiti pwülüer me nöür mwän me fefin. Pun üpwe awarato wor liwinin püsin ar föföringau.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 26:19

Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 5:19

Iwe, lupwen ekewe aramas repwe ais, ‘Pwota ewe Samol mi Lapalap ach we Kot a föri ngenikich ekei mettoch meinisin?’, mürin en Jeremaia kopwe üreniir, ‘Usun oua likitala Kot o angang ngeni pwal ekoch koten ekis me lon fanüemi, iei usun ämi oupwe angang ngeni chon ekis me lon eu fanü sap fanüemi.’

Jeremaia 5:25

Ämi kewe föför mi ngau ra atoka senikemi ekei fansoun öch, ämi tipis ra amwöchü senikemi ekei feiöch.

Jeremaia 6:19

Oupwe aüseling, ämi chon fanüfan. Nengeni, üpwe awarato feiengau won ekewe aramas pwe uän ar föför, pokiten resap mochen aüselinga ai kewe kapas, ra pwal aleasolap ngeni ai kewe allük.

Kölün kechü 3:15

A auraei ren riaföü watte o aünü ngeniei koluk mi maras.

Isikiel 39:24

Iwe, üa liwini ngeniir ükükün ar limengau me ar pupungau o amona mesei seniir.”

Osea 7:2

Nge resap ekieki pwe üa chechemeni ar kewe föföringau meinisin. Iei ar kewe tipis ra pweli ünükür, ra nom fän mesei iteiten fansoun.