Jeremaia 4:17 - Chuukese Bible

¹⁷ Repwe pwelifeili Jerusalem usun chon tümwünü eu tanipi, pokiten an ü ngeniei, iei alon ewe Samol mi Lapalap.

Jeremaia 4:17 Iomraidhean Croise

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Aisea 1:8

Iwe, Jerusalem chök a chüen nonom usun chök eu telinimw sounfiu ra pwelifeili ren pisekin maun. A apwangapwang usun chök apwangapwangen eu likachoch lon tanipin wain ika eu likachoch won tö.

Aisea 30:9

Pun ir eu täppin aramas mi ü ngeniei, nei kana mi chofana, resap mochen aüselinga kapasen amirit me rei ngang ewe Samol mi Lapalap.

Jeremaia 5:23

Nge ämi oua lukeni eu leluk mi ülöförea o lükümach, oua kul o feila seniei.

Jeremaia 52:4

Iwe, lon atiuen ierin mwün Setekia lon aengolun ränin ewe aengolun maram, Nepukatnesar ewe kingen Papilon a feito me an mwichen sounfiu meinisin, pwe epwe maun ngeni Jerusalem. Iwe, ra pwelifeili Jerusalem fän pisekin maun o senätä eu ororen maun ngeni pwelin ünükün.

Kölün kechü 1:18

Ewe Samol mi Lapalap a pwüng, nge ngang üa aleasolap ngeni an kapas. Oupwe aüseling, ämi chon ekewe mwü meinisin, oupwe nenengeni ai riaföü. Nei kewe föpwül me nei kewe alüal ra oola.

Kölün kechü 1:8

Jerusalem a fokun tipis, iei mine a wesewesen limengau. Meinisin mi asamolu me lom ra turunufasei, pun ra küna lon an selela. Ewer, püsin i a ngüngü o akulu mesan seniir.

Tuteronomi 9:24

Seni ewe rän üa silekemi, oua chök ü ngeni ewe Samol mi Lapalap.