Jeremaia 4:16 - Chuukese Bible

¹⁶ Repwe asile ngeni chon ekewe mwü o arongafeili ngeni chon Jerusalem pwe ekewe mwichen sounfiu ra feito seni eu fanü toau. Repwe akkapwas ngeni ekewe telinimwen Juta.

Jeremaia 4:16 Iomraidhean Croise

Aisea 34:1

Oupwe arapoto, ämi chon ekewe mwün fanüfan, pwe oupwe rongorong. Oupwe aüseling, ämi mwichen aramas. Fanüfan epwe aüseling, pwal aramasen won meinisin.

Aisea 39:3

Mürin, ewe soufos Aisea a feito ren ewe king Hiskia o aisini, “Met ekewe mwän ra apasa? Ia ra feito me ie?” Nge Hiskia a pälüeni, “Ra feito seni Papilon ewe fanü mi toau.”

Jeremaia 1:15

Pun üpwe körato chon ekewe mwün efeng meinisin pwe repwe feito. Ar kewe king repwe anomu ar lenien motun king lon ekewe asamalapen Jerusalem me pwelin ünükün tittin pwal ünükün ekewe telinimwen Juta meinisin.

Jeremaia 16:6

Iwe, aramas tekia me aramas tekison repwe mäla lon ei fanü. Resap peias, esap pwal wor eman epwe kechüeitiir ika akinasa inisin ika räisöla möküran fän iter.

Jeremaia 2:15

Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 31:10

Iei alon ewe Samol mi Lapalap, “Oupwe aüseling, ämi chon ekewe mwü o asilefeili ai kei kapas lon ekewe fanü aroset mi toau. Oupwe apasa, ‘Ätewe mi atoropasa chon Israel epwe pwal achufengeniir o tümwünüür usun eman chon mas a tümwünü nöün pwiin sip.’

Jeremaia 39:1

Iwe, lon engolun maramen ewe atiuen ierin mwün Setekia ewe kingen Juta, Nepukatnesar ewe kingen Papilon me an mwichen sounfiu meinisin ra feito Jerusalem, ra pwelifeili fän pisekin maun o maun ngeni.

Jeremaia 4:17

Repwe pwelifeili Jerusalem usun chon tümwünü eu tanipi, pokiten an ü ngeniei, iei alon ewe Samol mi Lapalap.

Jeremaia 5:15

Iei alon ewe Samol mi Lapalap, “Nengeni, üpwe awarato womi ämi chon Israel chon eu mwü mi feito seni toau. Ir chon eu mwü mi pöchökül o nom seni me lomlom, chon eu mwü ämi ousap weweiti ar kapas.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 50:2

“Oupwe asilefeili ekei kapas me lein chon ekewe mwü o arongafeiliir, oupwe aürätä eu asisil o arongafeili ei pworaus. Ousap tükümala, nge oupwe apasa, ‘Papilon a oo. Ewe anü Pel a itengau, ewe anü Merotak a rükö. An kewe uluulun anümwäl ra itengau, an kewe uluulun anümwäl mi anioput ra tatakis.’

Jeremaia 6:18

Iei mine ewe Samol mi Lapalap a apasa, “Oupwe aüseling, ämi chon ekewe mwü, oupwe katol mine epwe fis ngeni nei aramas.

Jeremaia 6:19

Oupwe aüseling, ämi chon fanüfan. Nengeni, üpwe awarato feiengau won ekewe aramas pwe uän ar föför, pokiten resap mochen aüselinga ai kewe kapas, ra pwal aleasolap ngeni ai kewe allük.

Jeremaia 6:22

Iei alon ewe Samol mi Lapalap, “Nengeni, eu mwichen aramas a feito seni ewe fanü mi nom efeng, chon eu mwü mi fokun watte seni lesopun fanüfan, ra amolätä ngeni maun.

Jeremaia 6:23

Ra amwöchü nöür esefich me wokur siles, ra ariaföüü aramas nge resap eäni tong. Ngüngün ar feito a usun ngüngün noon lematau. Ra wawa oris o tettel pwe repwe mauneek en, Jerusalem.”

Jeremaia 8:19

Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Isikiel 21:22

Nge pwüngün ewe pwee mi nom pöüifichin a fän iten Jerusalem. Ikenan epwe eäni kökkön maun fän leüömong, epwe anomu an mwesinnen kata mi weneiti ekewe asamalap, epwe pwal senätä oror o aüetä imwen maun.