Jeremaia 4:15 - Chuukese Bible

¹⁵ Chon künö seni Tan pwal seni ekewe chukun Efraim ra asilefeili ewe pworausen afeiengau.

Jeremaia 4:15 Iomraidhean Croise

Aisea 52:7

A mürina ewe chon künö mi fetal won ekewe chuk o uwato pworaus allim, ewe a arongafeili kinamwe o uwato kapasen feiöch. A asilefeili pwe aramas ra tongeni küna manau o üreni Sion, “Om Kot a nemenem.”

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Jeremaia 8:16

Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Josua 17:15

Iwe, Josua a üreniir, “Are ämi chon ewe ainangen Efraim oua kon chomong, nge fanüemi a kükün ngenikemi, oupwe feitä ren ewe wöllap, oupwe limeti ewe fanü fän itemi, ewe fanüen chon Peris me chon Refa.”

Josua 20:7

Iei mine ra aimwüela Ketes me lon Kalilea lon chukuchukutän ewe fanü Naftali me Sikem lon chukuchukutän ewe fanü Efraim, pwal Kiriat-arapa, iei Hepron lon chukuchukutän ewe fanü Juta me lotoun ewe chanpupu Jortan.

Soukapwüng 18:29

Iwe, ra aita ngeni ewe telinimw Tan, iten mwirimwirin ar we lewo nöün Israel we. Nge iten ewe telinimw me mwan Lais.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.