Jeremaia 4:13 - Chuukese Bible

¹³ Nengeni, ewe chon oput a feito usun kuchu, an kewe wokenin maun ra feito usun eu ewiniär, nge nöün kewe oris ra müttir seni ekewe ikel. Feiengauach, pun sipwe tatakis.

Jeremaia 4:13 Iomraidhean Croise

2. Samuel 1:23

Saul me Jonatan ra chen me ren aramas o eäni kirikiröch. Resap imwüfesen lon ar manau, pwal lon ar mäla. Ra müttir seni ekewe ikel o pöchökül seni ekewe laion.

Aisea 13:5

Ra feito seni fanü toau, pwal seni apilen. Ewer, ewe Samol mi Lapalap a feito fän an song pwe epwe ataala unusen ewe fanü.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Aisea 3:8

Iwe, Jerusalem a fetal ngeni an epwe feiengau, nge Juta epwe turula, pun chor ra pälüeni ewe Samol mi Lapalap ren ar kapas me ar föför, ra pwal ü ngeni ewe Kot mi ling.

Aisea 5:28

Ar kewe likapich ra mei, nge wokur föün esefich ra ken. Iwe, kün nöür oris ra usun chök fau, nge willen war woken ra märäkul usun eu ewiniär.

Aisea 66:15

Nengeni, ewe Samol mi Lapalap epwe feito lon ekkei won wan woken mi usun chök mölümöl. Epwe apwönüetä an song mi fokun pöchökül me an apwüng mi usun chök pulopulen ekkei.

Jeremaia 10:19

Nge ekewe aramasen Jerusalem repwe siö, “Feiengauach, pun sa fokun kinas. Nge kinasach esap mola. Sa ekieki pwe iei och mettoch sipwe tongeni öttures fan.

Jeremaia 4:12

nge epwe eu asepwäl mi fokun pöchökül, epwe enito fän än ewe Samol mi Lapalap allük. Püsin i epwe atowu pwüngün an kapwüng ngeniir.”

Jeremaia 4:31

Üa rongorong eu puchör usun puchörun eman fefin mi tori an cheuchen fam, eu puchör fän riaföü usun puchörün eman fefin mi nöünätiu aemanün nöün. Üa rongorong puchörün Sion mi ngasalap, a aitiewu pöün o apasa, “Feiengauei, üa masaroch, nge chon niela aramas repwe angeala manauei.”

Jeremaia 46:18

Ngang ewe King itei ewe Samol mi Unusen Manaman üa apasa, ‘Mwo manauei, eman epwe fokun feito, epwe tekia usun ewe chuk Tapor me lein ekewe chuk, pwal usun ewe chuk Karmel mi nom aroset.

Jeremaia 48:40

Iei alon ewe Samol mi Lapalap, “Nengeni, eu mwü epwe müttir ässitiu won Moap usun eman ikel o ameresala pöükässin won.

Jeremaia 49:22

Nengeni, ewe chon oputa epwe ässfeil o müttir ässitiu won Posra usun eman ikel a ässitiu o ameresala pöükässin won. Lon ena fansoun ekewe sounfiun Etom repwe niuokus usun chök eman fefin, lupwen a tori an cheuchen fam.”

Jeremaia 6:23

Ra amwöchü nöür esefich me wokur siles, ra ariaföüü aramas nge resap eäni tong. Ngüngün ar feito a usun ngüngün noon lematau. Ra wawa oris o tettel pwe repwe mauneek en, Jerusalem.”

Jeremaia 9:19

Oupwe aüseling ngeni och ngüngüres seni Sion, “Sa fokun feiengau, sa unusen itengau, pun sa likiti fanüach, pokiten aramas ra ataetiu imwach kewe.”

Kölün kechü 4:19

Ekewe chon tapwerikich ra müttir seni ekewe ikel mi äs fän läng. Ra tapwerikich won ekewe chukuchukutä o operikich lon ewe fanüapö.

Isikiel 26:10

Süsün pwül mi feitä, lupwen ekewe mwicheichen nöür oris ra sä, epwe pwölukela, nge om kewe tit repwe chechech ren akürangen chon wawa oris, pwal ren akürangen chomong sokun woken. Ina usun epwe fis, lupwen Nepukatnesar epwe tolong lon asamalapom usun aramas ra tolong lon eu telinimw mi tala tittin lon maun.

Isikiel 38:9

Iwe, en me noum kewe mwichen sounfiu meinisin, pwal ekewe mwicheichen aramasen chomong mwü oupwe töpworalong lon ewe fanü usun eu mölümöl. Oupwe usun chök eu kuchu mi pwölüela ewe fanü.”

Taniel 11:40

Lon ewe fansoun sopolan ewe kingen Isip epwe maun ngeni ewe kingen Siria. Nge ewe kingen Siria epwe müttirito usun eu mölümöl fän wan woken me chon wawa oris, pwal fän wan sip mi chomong. Epwe tolong lon ekewe fanüen ör o pwölürela usun eu chanpupu mi säsewu seni lon lenian.

Taniel 7:4

Ewe aemanün a wewe ngeni eman laion, nge pöükässin ra usun chök pöükässin eman ikel. Iwe, lupwen üa nenengeni, pöükässin ra üttüwu seni, nge eman a aütäi seni won fanü, pwe a üwenewenetä won ruofoch pechen usun eman aramas. Iwe, eman a siwili tipan ngeni tipen aramas.

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Nahum 1:3

Ewe Samol mi Lapalap a mang le song, nge a fokun manaman, esap likitala an epwe apwüngü ewe chon tipis. Ia ewe Samol mi Lapalap a fetal ie, a fis mölümöl, nge ekewe kuchu pipisüsün fän pechen.

Apakuk 1:8

Nöür oris ra müttir seni ewe man itan lepart, ra rochongau seni ekewe wolif mi echik. Nöür kewe chon wawa oris ra feito me toau o säpuropur, ra müttir le sä usun müttirin eman ikel a tur won liapan.

Sekaraia 6:1

Iwe, üa netäsefäl o küna fofoch woken ra feito me lefilen ruu chuk, nge ekewe chuk ra seni piras.

Mateus 24:30

Mürin asisilen Nöün Aramas epwe pwäla fän läng, nge aramas meinisin won fanüfan repwe kechü, lupwen repwe küna Nöün Aramas epwe feito won kuchu fän manaman me ling mi lapalap.

Tuteronomi 28:49

Ewe Samol mi Lapalap epwe pwal awarato womi eu mwü seni toau, seni lesopun fanüfan, chon repwe eäni eu fos ousap wewe ren. Iwe, repwe müttir feito womi usun eman ikel mi äkkäs.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.