Jeremaia 39:9 - Chuukese Bible

⁹ Mürin, Nepusaratan ewe meilapen chon tümwünü ewe king a uweela Papilon ekewe lusun aramas mi chüen nom lon ewe telinimw fiti chokewe mi sü ngeni me mwan.

Jeremaia 39:9 Iomraidhean Croise

Keneses 37:36

Nge lon ewe fansoun, ekewe chon Mitian ra fen amömöla Josef lon Isip ngeni Potifar, eman nöün Farao nöüwis, pwal i ewe meilapen mwichen sounfiu mi wisen tümwünü imwen Farao.

2. King 20:18

Repwe pwal uwala ekoch lein noum kewe mwän mi upu ngonuk, pwe repwe chon angang lon imwen ewe kingen Papilon.”

2. King 25:11

Mürin, Nepusaratan ewe meilapen sounfiu mi wisen tümwünü ewe king a uwala Papilon chokewe mi chüen manau me lon ewe telinimw me chokewe mi süla ren ewe kingen Papilon me mwan, pwal ekewe lusun aramas mi sipeöch le angang.

2. King 25:20

Iwe, Nepusaratan a angeer o uweerela ren ewe kingen Papilon mi nom Ripla.

Aisea 5:13

Iei mine oupwe oola won fanü toau mwen ämi oupwe mefi. Iwe, chokewe mi iteüöch me leimi repwe mäla ren ar echik, nge ekewe aramas repwe mäla ren ar kaka.

Jeremaia 10:18

Pun iei alon ewe Samol mi Lapalap, “Üpwe asüela chon ei fanü lon ei fansoun, üpwe pwal atoto riaföü wor pwe repwe oola.”

Jeremaia 16:13

Iei mine üpwe aturukemiiwu seni ei fanü o aturukemiilong lon eu fanü ämi me ämi kewe lewo ousap silei me mwan. Ikenan oupwe angang ngeni pwal ekoch kot lerän me lepwin, pun ngang üsap kirikiröch ngenikemi.’”

Jeremaia 24:8

Nge ngang ewe Samol mi Lapalap üpwe föri ngeni Setekia ewe kingen Juta me ekewe nöüwis, ngeni ekewe lusun chon Jerusalem mi chüen nom lon ei fanü me chokewe mi feila Isip, pwe repwe usun ekewe föün fiik mi fokun ngau esap wor eman a tongeni ocheer.

Jeremaia 38:19

Mürin, ewe king Setekia a üreni Jeremaia, “Üa niuokusiti ekewe chon Juta mi fen feila ngeni ekewe chon Papilon. Üa pwal niuokus pwe ekewe chon Papilon repwe asechieilong lepöür, nge ir repwe turunufaseei.”

Jeremaia 40:1

Iwe, ewe Samol mi Lapalap a kapas ngeni Jeremaia mürin än Nepusaratan ewe meilapen chon tümwünü ewe king a angasala i me lon Rama. Nepusaratan a küna Jeremaia me ikenan, pwe a föfö ngeni sein o nom lein ekewe chon oola seni Jerusalem me Juta, ir chokewe repwe feila Papilon.

Jeremaia 40:7

Nge ekewe meilapen ekewe sounfiun Juta mi nom lemäl fiti nöür sounfiu ra rong, pwe ewe kingen Papilon a awisa Ketalia nöün Aikam we pwe epwe kepinan ewe fanü, a pwal awisa pwe epwe nemeni ekewe mwän, fefin me semirit, chokewe mi fokun wöüngau me lon ewe fanü resap oola Papilon.

Jeremaia 52:26

Iwe, Nepusaratan a angeer o uweerela ren ewe kingen Papilon mi nom Ripla.

Jeremaia 52:27

Iwe, ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

Taniel 2:14

Nge lupwen Ariok ewe samolun sounfiu mi wisen tümwünü ewe king a feila pwe epwe niela ekewe soutipachemen Papilon, Taniel a kapas ngeni fän mirit me lukpwetete.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Tuteronomi 4:27

Iwe, ewe Samol mi Lapalap epwe atoropasafeilikemi lein chon ekewe mwü, nge ekoch echök me leimi repwe manau lon ekewe fanü ia ewe Samol mi Lapalap epwe asükemiila ie.