Jeremaia 39:8 - Chuukese Bible

⁸ Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Jeremaia 39:8 Iomraidhean Croise

2. King 25:8

Iwe, lon afisuen ränin ewe alimuen maram, iei ewe engol me tiuen ierin mwün ewe king Nepukatnesar seni Papilon, Napusaratan ewe meilapen sounfiu mi wisen tümwünü ewe king, i eman nöün ewe kingen Papilon nöüwis, a tolong Jerusalem.

2. Kronika 36:19

Iwe, ra kenala ewe imwenfel o ataetiu tittin Jerusalem, ra pwal kenala ekewe imw watte o ataela ekewe pisek aüchea meinisin.

Nehemia 1:3

Mürin ra üreniei, “Ekewe mi chüen manau seni ar oola o liwiniti ewe fanü ra nom lon weires watte me itengau. Tittin ewe telinimw Jerusalem a chüen tatiu, nge asamalapan kewe mi karala resamwo försefäl.”

Kölfel 79:7

Pun ra niela noum aramas o ataela fanüer.

Aisea 5:9

Iwe, üa rongorong än ewe Samol mi Unusen Manaman kapasen akapel, “Ellet, ekei imw watte pwal imweöch repwe tala, nge esap chüen wor aramas lor.

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 21:10

Üa fen apwüngala pwe üpwe ataala ei telinimw, nge üsap achika. Epwe oolong lepöün ewe kingen Papilon, iwe, epwe kenala. Ngang ewe Samol mi Lapalap üa kapas.”

Jeremaia 32:29

Ekewe chon Papilon mi maun ngeni ei telinimw repwe tolong lon o kenala. Repwe kenifengeni me ekewe imw chon Juta ra keni apach mi pwokus wor ngeni ewe anü Paal, ia ra pwal ninätiu ie asoren ün ngeni pwal ekoch kot pwe repwe asongaei.

Jeremaia 34:2

Ewe Samol mi Lapalap, ewe Koten Israel a üreni Jeremaia, “Kopwe feila o asile ngeni Setekia ewe kingen Juta, pwe iei aloi, ‘Üpwe atolonga ei telinimw lepöün ewe kingen Papilon, nge i epwe kenala.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 37:10

Are oupwe fen akufu unusen ewe mwichen sounfiun Papilon mi maun ngenikemi, nge epwe chök wor ekoch me leir mi kinas mi nom lon imwer imw mangaku, ir repwe ütä o kenala ei telinimw.’”

Jeremaia 38:18

Nge are kosap fangatä ngeniir, mürin ei telinimw epwe oolong lepöün ekewe chon Papilon. Iwe, repwe kenala, nge en kosap tongeni sü seni lepöür.”

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 7:20

Iei mine ngang Kot ewe Samol mi Lapalap üpwe awarato ai song me lingeringer won ei leni, won aramas me man, won ekewe irän lemäl, pwal won uän ekewe irän lepwül. Ai song epwe kü, nge esap tongeni kunula.”

Kölün kechü 1:10

Ekewe chon oputan ra angeala än Jerusalem pisek mi aüchea meinisin. Ewer, a küna pwe chon ekewe mwü ra ipwelong lon ewe Imwenfel, ir chokewe ewe Samol mi Lapalap esap mwüt ngeniir pwe repwe nonom lon an mwich.

Kölün kechü 2:2

Ewe Samol a ataela imwen ekewe mwirimwirin Jakop meinisin, nge esap eäni tong. A ataetiu ekewe imwen maun mi pöchökül me lon Juta lon an lingeringer. A awarato itengau won ewe mwü me nöün kewe sounemenem.

Kölün kechü 2:7

Ewe Samol esap chüen aücheani an we rongen asor, a likitala imwan we mi pin. A mwüt ngeni chon oputach pwe repwe ataela etippan. Ra mweireiren win lon imwen ewe Samol mi Lapalap usun ewe mweireir a fis lon ekewe ränin chulap.

Isikiel 16:41

Repwe keni imwom kana, repwe pwal apwünguk fän mesen chomong fefin. Üpwe aükätiu om amömö inisum, kosap pwal chüen möni noum kewe kamwet.

Isikiel 23:47

Iwe, ekewe aramas repwe monei ngeniir fau o atatakisiir ren nöür ketilas. Repwe niela nöür kewe mwän me fefin o kenala imwer.

Isikiel 33:21

Lon engol me ruuen ierin ach oola, lon alimuen ränin ewe aengolun maram, eman mwän mi sü seni Jerusalem a feito rei o apasa, “Ewe telinimw a tala.”

Amos 2:5

Iei mine üpwe tinala ekkei pwe epwe kenala Juta me ekewe imwen maun mi pöchökül me lon Jerusalem.”

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.