Jeremaia 39:6 - Chuukese Bible

⁶ Iwe, a niela nöün Setekia kewe mwän me fän mesan lon Ripla. Ewe kingen Papilon a pwal niela ekewe aramas tekia meinisin seni Juta.

Jeremaia 39:6 Iomraidhean Croise

Keneses 21:16

Mürin, a feila seni o mottiu awenewenan, nge toauan ina epwe ükükün lime ngaf. Pun a apasa, “Üsap tongeni nengeni mälan ewe ät.” Iwe, lupwen a mot ikenan, ewe ät a popuetä le kechü.

Keneses 44:34

Pun ifa usun ai üpwe tongeni liwiniti semei, are ewe ät esap etiei? Üsap tongeni küna ewe riaföü epwe tori semei.”

2. King 22:20

Iei mine lupwen kopwe mäla, kopwe mäla fän kinamwe o peias ren om kewe lewo, nge kosap küna ewe feiengau üpwe awarato won ei leni.’” Iwe, ekewe mwän ra liwinla o uwala ekei kapas ren ewe king.

2. King 25:7

Iwe, ra niela nöün Setekia kewe mwän me fän mesan. Mürin ra alusawu föün mesan, ra föti ngeni sein seni piras o uwala Papilon.

2. Kronika 34:28

Iei mine, lupwen kopwe mäla, kopwe mäla fän kinamwe o peias ren om kewe lewo. Nge kosap küna ewe feiengau üpwe aworato won ei leni pwal won aramasan.’” Iwe, ekewe mwän ra liwinla o uwala ekei kapas ren ewe king.

Ester 8:6

Pun ifa usun, epwe tufich ngeniei pwe üpwe nengeni ewe feiengau epwe tori aramasei? Are ifa usun, üpwe tongeni nengeni mälan ai famili?”

Aisea 13:16

Repwe atatakisi nöür semirit me fän meser, repwe angei fän pöchökül pisekin lon imwer o achomanauei pwülüer.

Aisea 34:12

Ekewe aramas tekia seni Etom esap wor och rer pwe repwe eu mwü. Iwe, an kewe samol meinisin resap chüen nom.

Jeremaia 20:4

Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 34:3

Kosap fokun tongeni sü seni, nge kopwe oolong o sechilong lepöün. Kopwe küna ewe kingen Papilon ren mesom o püsin kapas newenewen ngeni. Kopwe fokun feila Papilon.’

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 52:10

Iwe, a niela nöün Setekia kewe mwän me fän mesan, a pwal niela ekewe nöüwisen Juta meinisin me lon Ripla.

Isikiel 23:24

Ir meinisin repwe feito seni efeng fän oris me woken, pwal fän eu mwichemongun aramas. Repwe pwelifeiliik fän ar tittin maun mi watte me kükün, pwal fän imwer akkaw. Iwe, üpwe asechukolong lepöür pwe repwe apwünguk. Repwe eäni kapwüng womw won ükükün mine ra mochen apwünguk ren.

Isikiel 24:5

Kopwe angei fituken ekewe man mi mürina, kopwe aloppa sättin mwüch fän ewe kama o kuku ewe fituk me ekewe chü.”

Sefanaia 1:8

Iei alon ewe Samol mi Lapalap, “Lon ewe ränin asor üpwe apwüngü ekewe meilap me nöün ewe king kewe mwän, pwal meinisin mi föri örünien chon ekis.

Tuteronomi 28:34

pwe oupwe umwesila ren mine oupwe küna.