Jeremaia 39:5 - Chuukese Bible

⁵ Nge ekewe sounfiun Papilon ra tapweriir o tori Setekia me lon ewe maasiesin Jeriko. Ra liapeni o emwenala ren Nepukatnesar ewe kingen Papilon mi nom Ripla lon ewe fanü Hamat. Iwe, ewe kingen Papilon a apwüngala mine epwe fis ngeni.

Jeremaia 39:5 Iomraidhean Croise

2. Samuel 8:9

Iwe, lupwen Toi ewe kingen Hamat a rong pwe Tafit a akufu nöün Hatateser kewe mwichen sounfiu meinisin,

2. King 17:24

Iwe, ewe kingen Asiria a emwenato aramas seni Papilon, Kuta, Awa, Hata me Sefarwaim o anomuur lon ekewe telinimwen Samaria siwilin ekewe aramasen Israel mi oola. Ekei aramas ra fanüeni Samaria o imweimw lon ekewe telinimw.

2. King 23:33

Iwe, Farao Neko a fötekini Joahas me lon Ripla lon ewe fanü Hamat, pwe esap chüen tongeni nemeni Juta. A pwal angei takises seni chon Juta ükükün fisu ngeröü limepükü paun silifer me fik me limu paun kolt.

2. King 25:6

Mürin ra liapeni ewe king o emwenala ren ewe kingen Papilon mi nom Ripla. Ikenan ewe kingen Papilon a apwüngala mine epwe fis ngeni.

2. Kronika 33:11

Iei mine ewe Samol mi Lapalap a mwüt ngeni ekewe sounemenemen ewe mwichen sounfiun ewe kingen Asiria, pwe repwe tolong lon Juta. Iwe, ra liapeni Manasa, ra kakiani o föti ngeni selipiras, mürin ra uwala Papilon.

Aisea 22:3

Ämi samol meinisin ra sülappök, ra oola mwen resamwo nöünöü nöür likapich. Iwe, chon oputakemi ra liapenala meinisin, inamwo ika ra süla toau.

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 24:8

Nge ngang ewe Samol mi Lapalap üpwe föri ngeni Setekia ewe kingen Juta me ekewe nöüwis, ngeni ekewe lusun chon Jerusalem mi chüen nom lon ei fanü me chokewe mi feila Isip, pwe repwe usun ekewe föün fiik mi fokun ngau esap wor eman a tongeni ocheer.

Jeremaia 38:18

Nge are kosap fangatä ngeniir, mürin ei telinimw epwe oolong lepöün ekewe chon Papilon. Iwe, repwe kenala, nge en kosap tongeni sü seni lepöür.”

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 4:12

nge epwe eu asepwäl mi fokun pöchökül, epwe enito fän än ewe Samol mi Lapalap allük. Püsin i epwe atowu pwüngün an kapwüng ngeniir.”

Jeremaia 44:30

Üpwe asechalong Farao Ofra ewe kingen Isip lepöün ekewe chon oputan mi mochen niela, usun üa asechalong Setekia ewe kingen Juta lepöün Nepukatnesar ewe kingen Papilon, ewe chon oputan mi mochen niela. Ngang ewe Samol mi Lapalap üa kapas.”

Jeremaia 49:23

Iei usun mine ewe Samol mi Lapalap a apasa fänäsengesin Tamaskus. Chon ekewe telinimw Hamat me Arpat ra rükö, pun ra rongorong pworausen afeiengau. Ra niuokus o mwökütüküt lon leluker ren ar osukosuk usun matau esap tongeni lüala.

Kölün kechü 1:3

Chon Juta ra oola o nom lon riaföü me angang weires. Ra nonom lein chon ekewe mwü, nge resap küna eu lenien asösö. Chokewe meinisin mi tapweriir ra tokumweer, nge esap wor efoch al repwe tongeni süla won.

Kölün kechü 4:20

Popun manauach ach we king mi kepit me ren ewe Samol mi Lapalap, a oolong lon ar kewe likatup. I ätewe sa apasa usun pwe sipwe manau fän an tümwün me lein chon ekewe mwü.

Isikiel 23:24

Ir meinisin repwe feito seni efeng fän oris me woken, pwal fän eu mwichemongun aramas. Repwe pwelifeiliik fän ar tittin maun mi watte me kükün, pwal fän imwer akkaw. Iwe, üpwe asechukolong lepöür pwe repwe apwünguk. Repwe eäni kapwüng womw won ükükün mine ra mochen apwünguk ren.

Apakuk 1:7

Ra eniweniw o fokun aniuokus. Ra püsin förätä ar allük o püsin atekiaretä.

Numperis 13:21

Iwe, ekewe chon op ra feitä o operi ewe fanü seni ewe fanüapön Sin tori Rehop arap ngeni ewe al a ale ngeni Hamat.

Josua 13:5

ewe fanüen chon Kepal me unusen ewe fanü Lepanon kükü ngeni ötiu, seni Paal-kat mi nom fäsonun ewe chuk Hermon tori ewe al mi ale ngeni Hamat,

Josua 4:13

Iwe, ina epwe ükükün faik ngeröü mi molotä fän ar pisekin maun, ra pwerela pekila tori ewe maasiesin Jeriko fän mesen ewe Samol mi Lapalap, pwe repwe maun.

Josua 5:10

Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko.

Soukapwüng 3:3

Ikkei ir chon ekewe mwü mi nonometiu: ekewe limman samolun Filistia me ekewe chon Kanaan meinisin, ekewe chon Siton me chon Hiw mi nom won ewe chuk Lepanon, seni ewe chuk Paal-hermon tori ewe al a ale ngeni Hamat.