Jeremaia 39:4 - Chuukese Bible

⁴ Nge lupwen Setekia ewe kingen Juta me nöün kewe sounfiu meinisin ra küneer, ra süla lepwin seni lon ewe telinimw won ewe al mi pwere ngeni tanipin ewe king ren ewe asamalap lefilen ekewe ruu tit. Iwe, ra süla akawenewenen ewe lemolun Jortan.

Jeremaia 39:4 Iomraidhean Croise

2. Kronika 32:5

Mürin, Hiskia a tiliken lon an angang o senätä ekewe tit meinisin mi tala, a pwal aüetä imw tekia wor. Nge lükün ei tit a senätä pwal eu. A apöchöküla ewe leni mi amasou peliötiuen ewe telinimwen Tafit. A pwal föri pisekin maun me tittin maun mi fokun chomong.

Aisea 22:11

Oua pwal föri eu wän koluk lefilen ekewe ruu tit fän iten an epwe amwocho ewe koluk seni ewe lenien kolukun lom. Nge ousap ekieki usun Kot ewe mi afisätä ekei mettoch meinisin, ousap afäli ewe a fen amolätä ei seni me lom.

Aisea 22:3

Ämi samol meinisin ra sülappök, ra oola mwen resamwo nöünöü nöür likapich. Iwe, chon oputakemi ra liapenala meinisin, inamwo ika ra süla toau.

Aisea 29:2

Mürin ngang üpwe afeiengaua ewe telinimw mi wewe ngeni eu rongen asoren kek me rei. Epwe wor ngüngüres me kechü lon.

Jeremaia 32:4

Nge Setekia esap tongeni sü seni ekewe chon Papilon. Iwe, epwe fokun tolong lepöün ewe kingen Papilon, epwe küna ren mesan o püsin kapas newenewen ngeni.

Jeremaia 32:5

Iwe, Nepukatnesar epwe uweela Setekia Papilon. Epwe nonom ikenan tori ngang üpwe ämwa. Inamwo ika a maun ngeni ekewe chon Papilon, nge esap win.”

Isikiel 12:12

Iwe, ewe samol mi nemeniir epwe mwärei an pwotou, lupwen a pwinila, o feila. Repwe pwangeni ewe tit fän itan pwe epwe towu me lon, epwe pwal pwölüela won mesan pwe esap tongeni küna mwan.

Isikiel 12:4

Lerän, lupwen ra nenengenuk, kopwe uwawu om pwotou ka amolätä usun än eman chon oola. Nge lekuniol, lupwen ra nenengenuk, kopwe feila seniir usun eman aramas mi oola.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Lifitikos 26:36

Nge üpwe awora niuokus lon leluken chokewe me leimi mi chüen manau lon fanüen chon oputer, pwe repwe sü ren mwataten echö chön irä mi äs ren asepwäl, usun chök eman aramas a sü lupwen maun. Iwe, repwe turula, nge esap wor eman a tapweriir.

Amos 2:14

Ätekewe mi müttir le sä resap tongeni sü, ekewe chon pöchökül epwe kisila ar pöchökül, nge ekewe sounfiu resap tongeni püsin amanaueer.

Tuteronomi 28:25

Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.