Jeremaia 39:1 - Chuukese Bible

¹ Iwe, lon engolun maramen ewe atiuen ierin mwün Setekia ewe kingen Juta, Nepukatnesar ewe kingen Papilon me an mwichen sounfiu meinisin ra feito Jerusalem, ra pwelifeili fän pisekin maun o maun ngeni.

Jeremaia 39:1 Iomraidhean Croise

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

Jeremaia 32:1

Iwe, lon ewe engolun ierin mwün Setekia ewe kingen Juta, iei engol me waluen ierin mwün Nepukatnesar, ewe Samol mi Lapalap a kapas ngeni Jeremaia.

Jeremaia 34:1

Iwe, ewe Samol mi Lapalap a kapas ngeni Jeremaia, lupwen Nepukatnesar ewe kingen Papilon me nöün mwichen sounfiu meinisin, pwal chon ekewe mwü me ainang meinisin won fanüfan mi nom fän nemenian ra maun ngeni Jerusalem me ekewe telinimw ünükün.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 52:1

Iwe, Setekia a rüe me eu lupwen a tolong lon wisan wisen king. A nom lon Jerusalem o nemeni Juta lon ükükün engol me eu ier. Iten inan Hamutal nöün Jeremaia we fefin seni Lipna.

Jeremaia 6:6

Pun iei alon ewe Samol mi Unusen Manaman, “Oupwe pöküetiu ekewe irä, oupwe senätä eu ororen maun ünükün Jerusalem. Üpwe apwüngü ei telinimw, pun angangen ariaföüü aramas a chök fifis lon.

Isikiel 33:21

Lon engol me ruuen ierin ach oola, lon alimuen ränin ewe aengolun maram, eman mwän mi sü seni Jerusalem a feito rei o apasa, “Ewe telinimw a tala.”

Isikiel 4:3

Iwe, kopwe angei echö mächä o anomu mwom pwe epwe tiela lefilom me ewe telinimw. Kopwe newenewen ngeni o pwomweni usun an epwe küna osukosuken maun, nge en ewe chon maun ngeni. Iei eu asisil fän iten chon Israel.

Isikiel 40:1

Iwe, lon rüe me limuen ierin ach oola, lepoputän ewe ier, lon aengolun ränin ewe aeuin maram, pwal iei ewe engol me rüanün ier mürin än Jerusalem tala, lon ewe chök ränin, üa mefi pwe ewe Samol mi Lapalap a nom rei ren an manaman.

Isikiel 5:2

Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.

Sekaraia 8:19

“Ekewe ränin echikefel oua eäni lon arüanün maram, alimuen maram, afisuen maram me aengolun maram repwe wiliti fansoun pwapwa me mwänek me ränin kametip mi apwapwa ngeni chon Juta. Iei mine oupwe sani let me kinamwe.”

Tuteronomi 28:36

Iwe, ewe Samol mi Lapalap epwe emwenikemiila me ämi king oua seikätä womi ngeni eu mwü, ämi me ämi kewe lewo ousap silei me mwan. Ikenan oupwe angang ngeni pwal ekoch kot mi för seni mwüch me fau.