Jeremaia 38:2 - Chuukese Bible

² “Iei alon ewe Samol mi Lapalap: Iteiten eman me eman mi nomotiu lon ei telinimw epwe mäla ren maun, ren lengita me mätter. Nge iteiten eman me eman mi fangatä ngeni ekewe chon Papilon esap mäla. Repwe en me püsin kütta manauan.

Jeremaia 38:2 Iomraidhean Croise

Jeremaia 21:4

“Iei usun mine oupwe üreni Setekia, ‘Iei alon ewe Samol mi Lapalap ewe Koten Israel: Üpwe akufu noum kewe sounfiu mi maun ngeni ewe kingen Papilon me nöün kewe sounfiu. Üpwe ionifengeni än noum kewe sounfiu pisekin maun lukalapen ei telinimw.

Jeremaia 24:8

Nge ngang ewe Samol mi Lapalap üpwe föri ngeni Setekia ewe kingen Juta me ekewe nöüwis, ngeni ekewe lusun chon Jerusalem mi chüen nom lon ei fanü me chokewe mi feila Isip, pwe repwe usun ekewe föün fiik mi fokun ngau esap wor eman a tongeni ocheer.

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Jeremaia 27:13

Pwota ämi me noum aramas oupwe mäla ren maun, ren lengita me mätter, usun ewe Samol mi Lapalap a fen apasa epwe fis ngeni chon ekewe mwü meinisin resap mochen angang ngeni ewe kingen Papilon?

Jeremaia 29:16

Oupwe rongorong ngeni mine ewe Samol mi Lapalap a apasa fän äsengesin ewe king mi nemeni ewe mwü Tafit a nemeni me lom, pwal fän äsengesin ekewe aramas meinisin mi nom lon ei telinimw, ir aramasemi resap etikemi le oola,

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Jeremaia 39:18

Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”

Jeremaia 42:17

Ekewe aramas meinisin mi fokun ekiekin feila Isip pwe repwe nonom ikenan repwe fokun mäla lon maun, ren lengita me mätter. Esap wor eman epwe manau seni ewe feiengau üpwe awarato wor.’

Jeremaia 42:22

Iei mine oupwe fokun silei pwe oupwe mäla lon maun, ren lengita me mätter me lon ewe leni ia oua mochen feila o nonom ie.”

Jeremaia 44:13

Üpwe apwüngü chokewe mi nonom lon ewe fanü Isip ren maun, ren lengita me mätter, usun üa apwüngü chon Jerusalem.

Jeremaia 45:5

Ifa usun, ka kütta mettoch mi watte fän itom? Kosap kütteer. Pun üpwe awarato feiengau won aramas meinisin. Nge ngang üpwe amwöchü manauom lon ekewe leni meinisin ia kopwe feila ie. Ngang ewe Samol mi Lapalap üa kapas.”

Isikiel 14:21

Ewer, iei alon Kot ewe Samol mi Lapalap, “Epwe fen ifan feiengauen chon Jerusalem, lupwen üpwe tinala rer ai kewe rüanü feiengau mi watte, maun, lengita, manmwacho me mätter, pwe üpwe arosala aramas me man?

Isikiel 6:11

Iei alon Kot ewe Samol mi Lapalap, “Isikiel, kopwe aitietä poum o pupures ren om letipeta, kopwe pwal apasa, ‘Feiengauen chon Israel pokiten ar kewe föför mi ngau o anioput meinisin.’ Pun repwe mäla lon maun, ren lengita me mätter.

Isikiel 7:15

Maun a fis won ekewe al, nge mätter me lengita ra fis lon ekewe imw. Ir mi nom lemäl repwe mäla lon maun, nge ir mi nom lon ewe telinimw repwe mäla ren lengita me mätter.