Jeremaia 37:3 - Chuukese Bible

³ Iwe, ewe king Setekia a tinala Jehukal nöün Selemia we mwän me ewe souasor Sefania nöün Maseia we mwän ren ewe soufos Jeremaia o üreni, “Kopwe iotek fän item ngeni ewe Samol mi Lapalap äm we Kot.”

Jeremaia 37:3 Iomraidhean Croise

1. King 13:6

Mürin, ewe king a üreni ewe soufos, “Kose mochen kopwe tüngorei ewe Samol mi Lapalap om we Kot, pwe epwe ümöümöch ngeniei o iotek fän itei pwe pei epwe manausefäl.” Iwe, ewe soufos a tüngor ngeni ewe Samol mi Lapalap, nge pöün ewe king a manausefäl pwe a usun chök me mwan.

Ekistos 10:17

Iei oupwe amusala ai tipis pwal fän eu, oupwe iotekin tüngor ngeni ewe Samol mi Lapalap ämi we Kot pwe epwe angasaei seni ei mäfeiengau.”

Ekistos 8:28

Nge Farao a üreniir, “Üpwe mwüt ngenikemi pwe oupwe feila o asor ngeni ewe Samol mi Lapalap ämi we Kot lon fanüapö, nge ousap chök feila toau. Oupwe pwal iotekin tüngor fän itei.”

Ekistos 8:8

Mürin, Farao a körato Moses me Aaron o üreniir, “Oupwe tüngorei ewe Samol mi Lapalap, pwe epwe angei ekewe kairü seniei pwal seni nei aramas. Nge ngang üpwe mwüt ngeni ekewe aramasen Israel pwe repwe feila o asor ngeni ewe Samol mi Lapalap.”

Ekistos 9:28

Oupwe iotekin tüngor ngeni ewe Samol mi Lapalap pwe epwe aükätiu ewe chopulap me ütten fau, pun a kon lapalap. Üpwe mwüt ngenikemi pwe oupwe feila, nge üsap chüen amwöchükemi.”

Jeremaia 15:11

Iwe, ewe Samol mi Lapalap a üreniei, “Ellet, üpwe angasok ren eu popun mi mürina. Ellet, üpwe föri pwe chon oputom repwe tütüngor ngonuk lon fansoun feiengau me riaföü.

Jeremaia 2:27

Oupwe itengau ämi meinisin mi kapas ngeni efoch irä, ‘En semem,’ nge ngeni eföü fau, ‘En ka nöünikeemitiu.’ Pun oua kulu sökürümi ngeniei, nge ousap kulu mesemi ngeniei. Nge lupwen fansoun osukosuk oua apasa, ‘Kopwe feito o amanauakem.’

Jeremaia 29:21

Ewe Samol mi Unusen Manaman, ewe Koten Israel a apasa fänäsengesin Ahap nöün Kolaia we mwän me Setekia nöün Maseia we mi chofana osunier ngenikemi fän itan. A apasa pwe epwe atolongeer fän nemenien Nepukatnesar ewe kingen Papilon, nge i epwe nirela me fän mesemi.

Jeremaia 29:25

pwe iei alon ewe Samol mi Unusen Manaman, ewe Koten Israel, “Ka tinala toropwe fän püsin itom ngeni ekewe aramas meinisin mi nom lon Jerusalem, ngeni ewe souasor Sefania nöün Maseia we mwän pwal ngeni ekewe souasor meinisin. Ka mak ngeni Sefania,

Jeremaia 37:17

Mürin, ewe king Setekia a titi Jeremaia o etiwa i. Iwe, a kapas ais ngeni lemonomon me lon imwan o üra, “Ifa usun, mi wor eu kapas seni ewe Samol mi Lapalap?” Nge Jeremaia a pälüeni, “Mi wor. Kopwe tolong lepöün ewe kingen Papilon.”

Jeremaia 37:7

“Kopwe üreni ewe kingen Juta mi tinukoto rei, pwe iei alon ewe Samol mi Lapalap, ewe Koten Israel, ‘Nöün Farao mwichen sounfiu mi feito pwe repwe alisikemi repwele liwinsefäliti Isip lon poputän fanüer.

Jeremaia 38:1

Iwe, Sefatia nöün Matan we mwän, Ketalia nöün Pashur, Jehukal nöün Selemia me Pashur nöün Malkia ra rongorong mine Jeremaia a üreni ekewe aramas meinisin. Iei usun mine a apasa,

Jeremaia 42:1

Mürin ekewe meilapen ewe mwichen sounfiu meinisin me Johanan nöün Karea we, pwal Asaria nöün Hosaia we mwän me ekewe aramas meinisin seni ekewe mi kis tori ekewe mi lap ra feito

Jeremaia 42:20

pun oua föri och mi mwäl a afeiengau ngeni manauemi. Ämi oua tinieila ngeni ewe Samol mi Lapalap ach we Kot o üra, ‘Kopwe iotek fän item ngeni ewe Samol mi Lapalap ach we Kot, nge meinisin mine i epwe apasa ngonuk, äm aipwe föri.’

Jeremaia 52:24

Iwe, Nepusaratan ewe meilapen chon tümwünü ewe king a angei Seraia ewe souasor mi lap me Sefania ewe aruomanün souasor, pwal ekewe ülüman chon mamasa ewe asamalap.

Numperis 21:7

Iwe, ekewe aramas ra feito ren Moses o üreni, “Äm aia tipis, pun aia eäni kapasen ü ngenikemi me ewe Samol mi Lapalap. Kopwe tüngor ngeni ewe Samol mi Lapalap pwe epwe angei senikem ekewe serepenit.” Iei mine Moses a iotek fän iten ekewe aramas.

Föför 8:24

Mürin Simon a üreni Petrus me Johannes, “Ouse mochen oupwe iotek ngeni ewe Samol fän itei, pwe esap wor och lein ekei mettoch oua kapas usun epwe fis ngeniei.”

1. Samuel 12:19

Mürin, ekewe aramas meinisin ra üreni Samuel, “Kopwe iotek ngeni ewe Samol mi Lapalap om we Kot fän iten noum kei chon angang pwe aisap mäla. Pun aia apacha ngeni äm kewe tipis meinisin ei föför mi ngau, pwe äm aia tüngor eman king fän item.”