Jeremaia 34:9 - Chuukese Bible

⁹ Iteiten eman me eman epwe angasala nöün amanau chon Ipru mwän me fefin, pwe esap wor eman epwe nöüni amanau pwin, are i eman chon Juta.

Jeremaia 34:9 Iomraidhean Croise

Keneses 14:13

Iwe, eman chon süla seniir a feito o apworausa ei pworaus ngeni Apram ewe re Ipru mi nonom lein ekewe irä ook än Mamre ewe chon Amor, pwin Eskol me Aner. Iwe, ir ailen Apram.

Keneses 40:15

Pun ra soläniei seni ewe fanüen chon Ipru, nge pwal ikei üsap föri och mi ngau pwe repwe aturueilong lon imwen fötek.”

Ekistos 2:6

Lupwen neminewe a suki ewe pasikit, a küna eman ät, nge a kechü. Iwe, a tongei o apasa, “Iei i eman lein ekewe semiritin Ipru.”

Ekistos 3:18

Iwe, repwe aüselinga om kapas, mürin ämi me ekewe souakomwen Israel oupwe feila ren ewe kingen Isip o üreni, ‘Ewe Samol mi Lapalap än chon Ipru we Kot a churikem. Iei aia tüngor ngonuk pwe kopwe mwüt ngenikem pwe aipwe saila lon fanüapö ükükün ülüngat rän, pun aipwe asor ngeni äm we Kot ewe Samol mi Lapalap.’

Jeremaia 25:14

Üpwe liwini ngeni ekewe chon Papilon liwinin ar föför me angangen pöür. Iwe, chomong mwü me king mi lap repwe nöüniir amanau.”

Jeremaia 27:7

Chon ekewe mwü meinisin repwe angang ngeni, pwal ngeni nöün me nöün nöün, tori epwe war püsin feiengauen mwün. Mürin ir repwe angang ngeni chomong mwü me king mi lap.

Jeremaia 30:8

Iei alon ewe Samol mi Unusen Manaman, “Lupwen epwe war ewe fansoun, üpwe kupi ewe waas seni won üwer, üpwe mwüti fööföör, nge ekewe chon ekis resap chüen nöüniir amanau.

Jeremaia 34:10

Iwe, ekewe nöüwis me ekewe aramas meinisin mi föri ewe pwon ra tipeeufengen pwe repwe angasala nöür amanau mwän me fefin, nge resap chüen nöünisefäliir amanau. Iwe, ra aleasochis o angaserela.

1. Korint 6:8

Nge fen püsin ämi oua föri mine a mwäl o soläni pisekin eman, ei mwo nge oua fen föri ngeni chiechiemi souläng.

2. Korint 11:22

Ra apasa pwe ir re Ipru, pwal ngang. Ra apasa pwe ir chon Israel, pwal ngang. Ra apasa pwe ir mwirimwirin Apraham, pwal ngang.

Tuteronomi 15:12

“Iwe, are eman a amömö ngenikemi eman re Ipru ika eman fin Ipru, epwe angang ngenikemi ükükün wonu ier, nge lon afisuen ier oupwe angasala.

Filipi 3:5

Ngang üa sirkomsais lon awaluen ränin mürin ai uputiu, ngang eman wesewesen re Israel seni chök ai uputiu, seni lon ewe ainangen Peniamin, ai kewe lewo meinisin ir re Ipru. Ngang eman Farisi lon ai apwönüetä än ekewe chon Juta kewe Allük,

1. Samuel 14:11

Iei mine ir me ruoman ra pwärirela ngeni ekewe sounfiun Filistia. Nge ekewe sounfiun Filistia ra apasa, “Nengeni, ekewe re Ipru ra towu seni ekewe pwang ia ra op ie.”

1. Samuel 4:6

Nge lupwen ekewe chon Filistia ra rongorong akürangen ewe mweireir, ra ais, “Met wewen ei watten mweireir a fis lon lenien chon Ipru?” Iwe, lupwen ra silei pwe än ewe Samol mi Lapalap we pworofel a nom lon ewe leni,

1. Samuel 4:9

Oupwe tipepwora o atipemwänikemi, ämi chon Filistia, pwe ekewe chon Ipru resap nöünikemi amanau, usun ämi oua nöüniir amanau. Oupwe atipemwänikemi le fiu.”