Jeremaia 34:5 - Chuukese Bible

⁵ nge kopwe mäla fän kinamwe. Usun aramas ra keni irä pwokus fän iten semelapom kewe mi king ra akom mwomw, iei usun aramas repwe pwal keni irä pwokus fän itom, repwe kechüeituk o apasa: Woko äm samol.’ Ngang ewe Samol mi Lapalap üa kapas.”

Jeremaia 34:5 Iomraidhean Croise

2. King 22:20

Iei mine lupwen kopwe mäla, kopwe mäla fän kinamwe o peias ren om kewe lewo, nge kosap küna ewe feiengau üpwe awarato won ei leni.’” Iwe, ekewe mwän ra liwinla o uwala ekei kapas ren ewe king.

2. Kronika 16:14

Iwe, ra peiaseni lon eu peias lon achau i a püsin tuw fän itan lon ewe telinimwen Tafit. Ra anomu inisin won echö pap mi uren sokopaten irä pwokus me löpwokus, ekewe souför lö ra amolätä. Ra pwal föri eu ekkei mi fokun watte fän iten ar asamolu.

2. Kronika 34:28

Iei mine, lupwen kopwe mäla, kopwe mäla fän kinamwe o peias ren om kewe lewo. Nge kosap küna ewe feiengau üpwe aworato won ei leni pwal won aramasan.’” Iwe, ekewe mwän ra liwinla o uwala ekei kapas ren ewe king.

Jeremaia 22:18

Iei mine ewe Samol mi Lapalap a apasa fän äsengesin Jehoiakim ewe kingen Juta nöün Josia we mwän, “Aramas resap kechüeiti, lupwen epwe mäla, o üra, ‘Woko pwi’ ika ‘Wole mongeei.’ Resap kechüeiti o apasa, ‘Woko äm samol’ ika ‘Woko äm king.’

Jeremaia 34:4

Nge en Setekia kingen Juta, kopwe rong aloi fänäsengesum, ‘Kosap mäla ren ketilas,

Kölün kechü 4:20

Popun manauach ach we king mi kepit me ren ewe Samol mi Lapalap, a oolong lon ar kewe likatup. I ätewe sa apasa usun pwe sipwe manau fän an tümwün me lein chon ekewe mwü.

Isikiel 17:16

Mwo manauei, ngang Kot ewe Samol mi Lapalap üa apasa, ei king epwe fokun mäla lon Papilon, lon lenien ewe chök king a seikätä lon wisan wisen king, pun a aücheangaua o atai an we pwonen atipeeu a eäni fän akapel ngeni.

Taniel 2:46

Mürin, ewe king Nepukatnesar a chapetiu lepwül o asamolu Taniel. A pwal apasa pwe repwe asor ngeni mongö me apach mi pwokus.

1. Samuel 31:12

ekewe mwän meinisin mi pwora o pöchökül ra ütä o fetal lon unusen ewe pwin tori Petsan. Iwe, ra angei inisin Saul me nöün kewe mwän me won tittin ewe telinimw Petsan, ra liwiniti Japes o keniir ikenan.