Jeremaia 34:2 - Chuukese Bible

² Ewe Samol mi Lapalap, ewe Koten Israel a üreni Jeremaia, “Kopwe feila o asile ngeni Setekia ewe kingen Juta, pwe iei aloi, ‘Üpwe atolonga ei telinimw lepöün ewe kingen Papilon, nge i epwe kenala.

Jeremaia 34:2 Iomraidhean Croise

2. King 25:1

Iwe, lon atiuen ierin mwün Setekia, lon aengolun ränin ewe aengolun maram, Nepukatnesar ewe kingen Papilon a feito me an mwichen sounfiu meinisin, pwe epwe maun ngeni Jerusalem. Iwe, ra pwelifeili ewe telinimw fän pisekin maun o senätä eu ororen maun ngeni pwelin ünükün.

2. King 25:9

A kenala imwen ewe Samol mi Lapalap me imwen ewe king, pwal ekewe imw meinisin lon Jerusalem. Iteiten imw mi aüchea a kenala.

Jeremaia 21:10

Üa fen apwüngala pwe üpwe ataala ei telinimw, nge üsap achika. Epwe oolong lepöün ewe kingen Papilon, iwe, epwe kenala. Ngang ewe Samol mi Lapalap üa kapas.”

Jeremaia 21:4

“Iei usun mine oupwe üreni Setekia, ‘Iei alon ewe Samol mi Lapalap ewe Koten Israel: Üpwe akufu noum kewe sounfiu mi maun ngeni ewe kingen Papilon me nöün kewe sounfiu. Üpwe ionifengeni än noum kewe sounfiu pisekin maun lukalapen ei telinimw.

Jeremaia 27:22

“Ekei pisek repwe oola Papilon o nonom ikenan tori ewe rän üpwe pisefäliir. Mürin ngang üpwe aliwinireto o anomusefäliir lon ei leni. Ngang ewe Samol mi Lapalap üa kapas.”

Jeremaia 32:3

Pun Setekia ewe kingen Juta a kalapusei Jeremaia o atipisi pokiten an osuni o üra pwe iei alon ewe Samol mi Lapalap, “Üpwe atolonga ei telinimw lepöün ewe kingen Papilon pwe epwe liapeni.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.