Jeremaia 34:16 - Chuukese Bible

¹⁶ Nge mürin oua kul o aitengaua itei, lupwen oua angeesefäli en me nöün amanau mwän me fefin, chokewe oua fen angaserela usun ar mochen. Ämi oua arianiir o nöünisefäliir amanau.

Jeremaia 34:16 Iomraidhean Croise

Ekistos 20:7

Kosap föüniwäli itei ngang ewe Samol mi Lapalap om Kot. Pun ngang ewe Samol mi Lapalap üpwe ngeni iteiten eman me eman chappen tipisin an föünimwäli itei.

Jeremaia 34:11

Nge mürin ra siwili ar ekiek, ra angeesefäli ekewe mwän me fefin ra piin angaserela o nöünisefäliir amanau.

Isikiel 13:22

Iwe, oua apwangapwangala leluken chon pwüng ren ämi kapas chofana, chokewe ngang üsap mochen pwe repwe lolilen. Oua pwal pesei ngeni ekewe aramasangau, pwe resap kul seni ar föför mi ngau o amanaua manauer.

Isikiel 18:24

Nge are eman aramas mi pwüng a kul seni an föför mi pwüng o föri mine a pwüngingau, are a apirü än eman aramasangau föför mi anioput, ifa usun, epwe manau? Apwi! An kewe föför mi pwüng meinisin üsap chüen chechemeniir. Pokiten an pupungau me tipis epwe mäla.

Isikiel 20:39

Iei usun Kot ewe Samol mi Lapalap a apasa, “Ämi chon Israel oupwe feila meinisin o angang ngeni ämi kewe uluulun anümwäl. Nge mürin eu fansoun oupwap fokun aüselingaei, nge ousap chüen apiningaua itei mi pin ren ämi asor me ämi kewe uluulun anümwäl.”

Isikiel 3:20

Iwe, ika eman chon pwüng a kul seni an föförün pwüng o föföringau, ngang üpwe atolonga lon feiengau, iwe, epwe mäla. Pokiten om kosap fönöü, ätewe epwe mäla pokiten an tipis, üsap pwal chüen chechemeni an föför mi pwüng, nge en kopwe angei chappen om tümwününgau.

Isikiel 39:7

Iwe, üpwe pwärala itei mi pin lein nei aramasen Israel, nge üpwe tümwünü pwe itei mi pin esap chüen küna turunufas. Mürin, chon ekewe mwü repwe silei pwe ngang ewe Samol mi Lapalap, Ewe mi Pin lon Israel.

Lifitikos 19:12

Ousap akapelmwäli itei, pwe ousap apiningaua itei ren. Ngang ewe Samol mi Lapalap ämi we Kot.

Malakai 1:12

Nge oua apiningaua pinin ewe rongen asor, lupwen oua apasa pwe ai rongen asor a limengau, nge ewe mongö mi nom won a anioput.

Malakai 1:7

Ren ämi eäni asor mongö mi limengau won ai rongen asor. Nge ämi oua ais, ‘Met aia alimengaua ren?’ Ren ämi apasa pwe ai rongen asor a aücheangau.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.