Jeremaia 34:11 - Chuukese Bible

¹¹ Nge mürin ra siwili ar ekiek, ra angeesefäli ekewe mwän me fefin ra piin angaserela o nöünisefäliir amanau.

Jeremaia 34:11 Iomraidhean Croise

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Kölfel 36:3

An kewe kapas ra mwäl me chofana. Esap chüen föri föför mi mirit me mürina.

Ekistos 8:15

Iwe, lupwen Farao a küna pwe a ekis ngasala, a pwal tipeföreala pwe esap mochen aüselinga Moses me Aaron, usun mine ewe Samol mi Lapalap a fen apasa.

Ekistos 8:8

Mürin, Farao a körato Moses me Aaron o üreniir, “Oupwe tüngorei ewe Samol mi Lapalap, pwe epwe angei ekewe kairü seniei pwal seni nei aramas. Nge ngang üpwe mwüt ngeni ekewe aramasen Israel pwe repwe feila o asor ngeni ewe Samol mi Lapalap.”

Ekistos 9:28

Oupwe iotekin tüngor ngeni ewe Samol mi Lapalap pwe epwe aükätiu ewe chopulap me ütten fau, pun a kon lapalap. Üpwe mwüt ngenikemi pwe oupwe feila, nge üsap chüen amwöchükemi.”

Än Salomon Fos 26:11

Eman chon tiparoch mi liwiniti an föförün tiparoch a usun chök eman kolak mi enisefäli musan.

Än Salomon Afalafal 8:11

Are liwinin tipisin eman esap müttir fis, aramas repwe chök mochen föri föför mi ngau.

Jeremaia 34:10

Iwe, ekewe nöüwis me ekewe aramas meinisin mi föri ewe pwon ra tipeeufengen pwe repwe angasala nöür amanau mwän me fefin, nge resap chüen nöünisefäliir amanau. Iwe, ra aleasochis o angaserela.

Jeremaia 34:12

Mürin ewe Samol mi Lapalap a kapas ngeni Jeremaia pwe epwe üreni ekewe aramas,

Jeremaia 34:16

Nge mürin oua kul o aitengaua itei, lupwen oua angeesefäli en me nöün amanau mwän me fefin, chokewe oua fen angaserela usun ar mochen. Ämi oua arianiir o nöünisefäliir amanau.

Jeremaia 34:21

Üpwe pwal atolonga Setekia ewe kingen Juta me nöün kewe nöüwis lepöün chon oputer, chokewe mi mochen nirela. Üpwe asechirelong lepöün nöün ewe kingen Papilon mwichen sounfiu mi ükütiu le maun ngenikemi.

Jeremaia 37:5

Iwe, nöün Farao mwichen sounfiu ra feiliwu seni Isip. Nge lupwen ekewe sounfiun Papilon mi pwelifeili Jerusalem fän pisekin maun ra rong usun, ra sü seni Jerusalem.

Osea 6:4

Nge ewe Samol mi Lapalap a apasa, “Met üpwe föri ngenikemi, Israel me Juta? Ämi tong a usun chök eu kuchun lesosor, usun chök ewe amurenipwin a müttir morola lesosorusich.

Osea 7:16

Ra kul ngeni ewe anü Paal. Ra wewe ngeni efoch esefich mi pwach selin. Nöür souemwen repwe mäla ren ketilas pokiten ar kapasen lamalamtekia. Ren ei repwe küna turunufas me lon ewe fanü Isip.”

Sefanaia 1:6

Üpwe ärala chokewe mi kul seni ar tapwela müri, chokewe resap küttaei ika resap angei öüröürer me rei.”

1. Samuel 24:19

Ifa usun, ika eman mwän epwe seretä won chon oputan, epwe tongeni amanaua? Amwo ewe Samol mi Lapalap epwe liwini ngonuk mine a mürina ren mine ka föri ngeniei ikenai.

1. Samuel 26:21

Mürin, Saul a apasa, “Ngang üa föri mine a mwäl. Kopwe liwinto, nei mwän Tafit, pun ngang üsap chüen afeiengauok pokiten manauei a aüchea me reöm ikenai. Ellet, ngang üa föri föförün eman mi umwes, üa pwal fokun mwäl.”