Jeremaia 33:3 - Chuukese Bible

³ “Kopwe kökköriei, nge ngang üpwe pälüenuk, üpwe pwäri ngonuk mettoch mi aüchea o amwarar kosap silei me mwan.

Jeremaia 33:3 Iomraidhean Croise

Kölfel 145:18

Ewe Samol mi Lapalap a arap ngeni ir meinisin mi köri, a arap ngeniir meinisin mi köri fän wenechar.

Kölfel 25:14

Ewe Samol mi Lapalap a chiechifengen me chokewe mi niuokusiti i. A asile ngeniir an we pwon.

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 91:15

Are epwe köriei, üpwe pälüeni. Üpwe nom ren lon an riaföü, üpwe angasa o aitöchü.

Aisea 45:3

Üpwe fang ngonuk wöü mi iseis lon rochopwak, pwal pisek mi aüchea mi nom lon leni mi monomon, pwe kopwe silei pwe ngang ewe Samol mi Lapalap ewe Koten Israel, ewe a köri ngonuk itom.

Aisea 48:6

Iwe, en ka fen rongorong usun ekei mettoch, nge iei ka küneer. Ifa usun, kosap mochen aleta pwe ra pwüng? Seni ikenai üpwe asile ngonuk mettoch mi fö, pwal mettoch mi monomon kosamwo sisilei.

Aisea 65:24

Iwe, üpwe apwönüetä ar iotek mwen resamwo tüngor, nge lupwen ra chüen fos, üpwe aüselingeer.

Jeremaia 23:35

Iwe, iei usun mine oupwe apasa ngeni en me chon arun ika pwin, ‘Met ewe Samol mi Lapalap a eäni pälüen?’ ika ‘Met ewe Samol mi Lapalap a apasa?’

Jeremaia 29:12

Mürin oupwe köriei, oupwe feito o iotek ngeniei, nge ngang üpwe aüselingakemi.

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Jeremaia 32:27

“Nengeni, ngang ewe Samol mi Lapalap än ekewe mönümanau meinisin Kot. Esap fokun wor och mine a weires ngeniei.

Taniel 2:18

A pwal pese ngeniir pwe repwe tüngor ngeni ewe Koten läng an ümöümöch, pwe epwe pwäri ngeniir ewe monomon o amanaueer, pwe resap ninnila fiti ekewe soutipachemen Papilon.

Taniel 2:22

Iwe, a pwäri mine a alolol o monomon, a silei mine a op lon rochopwak, pun saram a nom ren.

Taniel 2:23

Üa kilisou ngonuk, en ewe Kot än ai kewe lewo, üa pwal ingemwareituk ren om fang ngeniei tipachem me tufich. Ka pälüeni äm iotek o pwäri ngenikem monomonen än ewe king we tan.”

Sowel 2:32

Iwe, epwe fis pwe iö epwe köri iten ewe Samol mi Lapalap epwe manau. Pun won ewe chuk Sion pwal lon Jerusalem repwe nom chokewe mi sü seni feiengau, usun ewe Samol mi Lapalap a apasa. Nge me lein ekewe mi chüen manau epwe wor chokewe ewe Samol mi Lapalap a afiliir.”

Amos 3:7

Ellet, Kot ewe Samol mi Lapalap esap föri och ika esap pwäri mwo mine a ekiekietä ngeni nöün chon angang ekewe soufos.

Mika 7:15

Kopwe pwäri ngenikem om kewe manaman, usun ka föri lon ewe fansoun lupwen ka emwenikeemiwu seni Isip.

Mateus 13:35

A föri ei an epwe pwönüetä mine ewe soufos a apasa, “Ngang üpwe aea pworausen awewe lupwen üpwe kapas ngeniir. Ngang üpwe aiti ngeniir ekewe mettoch mi monomon seni lepoputän fanüfan.”

Föför 2:21

Nge iö epwe köri iten ewe Samol epwe manau.’

1. Korint 1:2

aia kapong ngeni än Kot we mwichefel mi nom lon Korint, ngeni chokewe mi küna pin lon Kraist Jesus, ir mi kö pwe repwe pin fitifengen me chokewe ekis meinisin mi köri iten ach Samol Jesus Kraist, i ouach Samol:

Efisos 3:20

Sipwe mwareiti Kot, i ewe a tongeni föri mettoch meinisin lap seni mine sia tongeni tüngor ika ekieki ren an we manaman mi akangang loch,

Tuteronomi 4:29

Nge ika oupwe kütta ewe Samol mi Lapalap ämi we Kot me ikenan, oupwe küna are oupwe kütta ren unusen lelukemi me unusen ngünümi.

Tuteronomi 4:7

Pun meni mwü mi watte a wor an kot mi kan ngeni, usun ewe Samol mi Lapalap ach we Kot a kan ngenikich iteiten fansoun sa köri pwe epwe alisikich?

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”