Jeremaia 33:2 - Chuukese Bible

² Iei alon ewe Samol mi Lapalap mi föri fanüfan, mi alapalapa o anüküchara lon lenian, itan ewe Samol mi Lapalap,

Jeremaia 33:2 Iomraidhean Croise

Kölfel 102:16

Pun ewe Samol mi Lapalap epwe aüsefälietä Sion, i epwe pwä lon lingan.

Kölfel 87:5

Nge usun Sion aramas repwe apasa pwe chon ekewe mwü meinisin repwe nonom lon. Iwe, Ewe mi Unusen Tekia epwe püsin anüküchara ewe telinimw.

Ekistos 15:3

Ewe Samol mi Lapalap eman soumaun, itan Samol mi Lapalap.

Ekistos 6:3

Üa pwä ngeni Apraham, Isaak me Jakop ren itei we Kot mi Unusen Manaman, nge üsap asile ngeniir itei ei Samol mi Lapalap.

Aisea 14:32

Meni sokun pworaus sipwe apworausa ngeni ekewe chon künö seni Filistia? Sipwe apworausa ngeniir pwe ewe Samol mi Lapalap a anüküchara Sion, nge nöün aramas mi nom lon riaföü repwe op lon.

Aisea 37:26

Ifa usun, kosamwo rongorong pwe ngang üa ekiekietä ei me lomlom, üa pwal akota lon fansoun lom? Nge iei üa apwönüetä. Üa atufichuk pwe kopwe ataela telinimw mi pöchökül tittir, pwe repwe wewe ngeni ioien mettoch mi ta.

Aisea 42:8

Ngang ewe Samol mi Lapalap, iei chök itei. Iwe, üsap ngeni eman kot ai ling, üsap pwal ngeni ekewe uluulun anümwäl ai iteüöch.

Aisea 43:1

Iei alon ewe Samol mi Lapalap mi föruk, Israel, “Kosap niuokus, pun ngang üa angasok. Üa köri ngonuk itom, en nei.

Aisea 43:21

Ir ekewe aramas üa afisiir fän itei, pwe repwe pwärätä ai ling.

Aisea 62:7

Ousap pwal mwüt ngeni Kot pwe epwe asösö, tori an epwe aüsefälietä Jerusalem o föri pwe chon fanüfan meinisin repwe mwareiti.

Jeremaia 10:16

Nge än Jakop we Kot esap usun ekei anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Jeremaia 16:21

Iwe, ewe Samol mi Lapalap a apasa, “Iei mine lon ei fansoun üpwe föri pwe repwe silei ai manaman me ai pöchökül. Mürin repwe silei pwe itei ewe Samol mi Lapalap.”

Jeremaia 32:18

Ka eäni om tong ellet ngeni ngeröü, nge ka liwini än samasam tipis won nöür kana me mwirir. En ewe Kot mi tekia o manaman, itom ewe Samol mi Unusen Manaman.

Jeremaia 51:19

Nge än Jakop we Kot esap usun ekei uluulun anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Amos 5:8

Ewe Samol mi Lapalap a föri ekewe fü iter mweriker me öniön. A siwili rochokichin rochopwak ngeni saram o awili rän ngeni pwin. A angei kolukun lematau o ninätiu won fanüfan. Itan ewe Samol mi Lapalap.

Amos 9:6

Ewe Samol mi Lapalap a aüetä imwan won ekewe läng o föri pwe läng pwölüpwölün fanüfan. A angei kolukun lematau o ninätiu won fanüfan. Itan ewe Samol mi Lapalap.

Ipru 11:10

Pun Apraham a witiwiti ewe fansoun pwe epwe nom lon ewe telinimw Kot a föri liosun o aüetä, ewe telinimw a wor longolongun esap tongeni tala.

Ipru 11:16

Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Pwärätä 21:10

Iwe, lupwen ai nom lon ngün, ewe chon läng a uweieila won ungen eu chuk mi fokun tekia o a aküna ngeniei Jerusalem, ewe Telinimw mi Pin, a feitiu me läng seni Kot,

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.