Jeremaia 32:9 - Chuukese Bible

⁹ Iwe, üa möni ewe fanü lon Anatot seni Hanamel pwii we o aükü ngeni ewe moni ükükün engol me füföü föün silifer.

Jeremaia 32:9 Iomraidhean Croise

Keneses 24:22

Iwe, lupwen ekewe kamel ra wes me ün, ewe mwän a angei efoch ring o ngeni ewe föpwül, nge choun ewe ring ina epwe eu lelimu aunus. Iwe, a pwal ngeni ruu lälä seni kolt fän iten pöün, nge choun eu lälä ina epwe rüanü aunus.

Keneses 37:28

Nge lupwen ekewe chon amömö seni Mitian ra toriir, ra efietä Josef me lon ewe pwang o amömöla ngeni ekewe mwirimwirin Ismael ren rüe föün moni silifer. Iwe, ekewe chon Ismael ra uwala Josef Isip.

1. King 20:39

Nge lupwen ewe king Ahap a pwerela, ewe soufos a köla ren o üra, “Ngang noum chon angang üa nom lukalapen ewe maun, lupwen eman sounfiu a uwato rei eman mwän a liapeni o üra, ‘Kopwe tümwünü ei mwän. Ika a sü senuk, manauom epwe siwilin manauan, ika kopwe mönätiu ülüngat ngeröü föün moni silifer.’

Nehemia 5:15

Ekewe kepina mi akom mwei ra aweiresi ekewe aramas o angei seniir ener mongö o ünümer wain iteiten rän won ükükün faik föün moni silifer. Pwal nöür chon angang ra ariaföüü ekewe aramas. Nge ngang üsap föri iei usun, pun üa niuokusiti Kot.

Ester 3:9

Nge ika en ai king kopwe tipeeu ngeni om kopwe föri eu allük pwe ekei aramas repwe mäla, mürin ngang üpwe atolonga ina epwe ükükün ülüpükü fik me limu ton silifer lepöün chokewe mi tümwünü noum moni, pwe repwe uwalong lon om lenien iseis.”

Ekistos 21:32

Nge ika ewe ätemwänin kow a opura eman amanau mwän are amanau fefin pwe a mäla, ätewe mine nöün ewe ätemwänin kow epwe ngeni än ewe amanau samol ilik föün moni silifer , nge ewe ätemwänin kow epwe momon ngeni fau.

Aisea 55:2

Pwota oua mochen püngütiu moni fän iten mettoch ousap tongeni mongö? Pwota oua angang weires fän iten mine ousap möt ren? Oupwe fokun aüselingaei o föri mine üa ürenikemi. Iwe, epwe wor enemi mongö mi annö, oupwe pwal pwapwaiti uän ewe fanü mi fokun chomong.

Isikiel 4:10

Iwe, ükükün anom mongö lon eu rän epwe esop paun, nge kopwe chök aükü pwe epwe naf ngeni ekewe fansoun mongö.

Osea 3:2

Iei mine üa möni neminewe won engol me limeföü föün moni silifer me ina epwe ükükün ülüpükü ilik paun parli.