Jeremaia 32:8 - Chuukese Bible

⁸ Mürin, Hanamel pwii we a feito rei lon ewe lenien chon mas, usun mine ewe Samol mi Lapalap a fen kapas ngeniei won. Iwe, a üreniei, ‘Kopwe möni fanüei we mi nom Anatot lon ewe fanü Peniamin pwe kopwe fanüeni, pun a wor om pwüüng won.’ Mürin üa silei pwe iei wesewesen alon ewe Samol mi Lapalap ngeniei.

Jeremaia 32:8 Iomraidhean Croise

1. King 2:26

Mürin, ewe king a üreni ewe souasor Apiatar, “Kopwe liwinla Anatot leniom we, pun pwüngün pwe kopwe mäla. Nge iei üsap niikela, pun ka chon kekiin ewe pworofel än Kot ewe Samol mi Lapalap me mwen Tafit semei we, ka pwal eti semei we lon an kewe riaföü meinisin.”

1. King 22:25

Nge Mikaia a üra, “Kopwap püsin mefi lon ewe rän, lupwen kopwe tolong lon rumwen lon eu imw pwe kopwe op.”

1. Kronika 6:60

Ra pwal ngeniir ekewe telinimw Kepa, Alemet me Anatot, pwal ekewe fanü pwelin ünükür fän iten nöür man seni ewe ainangen Peniamin. Iwe, ekewe telinimw meinisin fän iten ar kewe famili ükükün engol me ülüngat.

Jeremaia 1:1

Iei apworausaen Jeremaia nöün Hilkia we mwän, i eman me lein ekewe souasor mi nom lon Anatot lon fanüen Peniamin.

Jeremaia 32:2

Lon ewe fansoun nöün ewe kingen Papilon mwichen sounfiu a pwelifeili Jerusalem fän pisekin maun. Nge ewe soufos Jeremaia a kalapusolong lon ewe lenien chon mas mi nom lon imwen ewe kingen Juta.

Jeremaia 32:25

Nge en ai Kot, Samol mi Lapalap, ka üreniei pwe üpwe möni eu fanü ren moni fän mesen chon pwärätä, inamwo ika ewe telinimw a kan ngeni an epwe oolong lepöün ekewe chon Papilon.’”

Jeremaia 32:7

‘Hanamel nöün Salum we mwän pwin semom epwe feito reöm o ürenuk pwe kopwe möni fanüan mi nom Anatot, pun a wor om pwüüng pwe kopwe möni pokiten en märärin.’

Jeremaia 33:1

Iwe, ewe Samol mi Lapalap a kapas ngeni Jeremaia fän aruuan, lupwen a chüen kalapus lon ewe lenien chon mas.

Jeremaia 37:12

Jeremaia ekärän towu seni Jerusalem pwe epwe feila ngeni ewe fanü Peniamin, pwe epwe angei inetin me won saman me ikenan.

Isikiel 12:7

Iwe, üa föri usun Kot a allük ngeniei. Lerän üa amolätä ai pwotou usun än eman chon oola, nge lekuniol üa pwangeni etippen imwei ren püsin pei. Iwe, lupwen a pwinila, üa feil seniir o mwärei ai pwotou, lupwen ra nenengeniei.

Sekaraia 11:11

Iei usun ewe pwon a tala lon ewe rän. Nge ekewe chon kamö me amömö sip mi nenengeniei ra silei pwe iei alon ewe Samol mi Lapalap.

Johannes 4:53

Mürin ewe sam a chechemeni pwe ina chök ewe otun Jesus a kapas ngeni lon, “Noumw we ät epwe manau.” Iei mine i me chon an famili meinisin ra lükü Jesus.