Jeremaia 32:7 - Chuukese Bible

⁷ ‘Hanamel nöün Salum we mwän pwin semom epwe feito reöm o ürenuk pwe kopwe möni fanüan mi nom Anatot, pun a wor om pwüüng pwe kopwe möni pokiten en märärin.’

Jeremaia 32:7 Iomraidhean Croise

1. King 14:5

Nge ewe Samol mi Lapalap a fen üreni Ahia, “Pwülüen Jeropoam epwe feito pwe epwe aisinuk usun nöün we ät, pun a samau. Ien me ien mine kopwe üreni.” Lupwen neminewe a feito, a pwomweni pwe itä i esap pwülüen Jeropoam we.

Jeremaia 1:1

Iei apworausaen Jeremaia nöün Hilkia we mwän, i eman me lein ekewe souasor mi nom lon Anatot lon fanüen Peniamin.

Jeremaia 11:21

Ekewe re Anatot ra mochen nieila. Ra üreniei pwe repwe nieila, are üpwe sopwela le asilefeili än ewe Samol mi Lapalap kewe kapas.

Jeremaia 32:6

Iwe, Jeremaia a apasa, “Ewe Samol mi Lapalap a üreniei,

Jeremaia 32:8

Mürin, Hanamel pwii we a feito rei lon ewe lenien chon mas, usun mine ewe Samol mi Lapalap a fen kapas ngeniei won. Iwe, a üreniei, ‘Kopwe möni fanüei we mi nom Anatot lon ewe fanü Peniamin pwe kopwe fanüeni, pun a wor om pwüüng won.’ Mürin üa silei pwe iei wesewesen alon ewe Samol mi Lapalap ngeniei.

Lifitikos 25:23

Iei mine ousap amömö ewe fanü tori feilfeilachök. Pun ei fanü fanüen Kot, nge ämi oua usun chök chon ekis me chon siamü won.

Lifitikos 25:24

Ei allük a fän iten unusen ewe fanü oua fanüeni, pwe oupwe mwütätä ngeni ätewe a amömöla fanü pwe epwe fanüenisefäli.

Lifitikos 25:25

Iwe, are eman chon Israel a wöüngauala o amömöla eu kinikinin fanüan, eman fitukan epwe feito o mönisefäli mine pwin a amömöla.

Lifitikos 25:34

Nge ekewe fanü mi nom pwelin ünükün ar kewe telinimw resap fokun tongeni amömöla, pun ekei fanü fanüer tori feilfeilachök.

Lifitikos 25:49

Pwal pwin saman ika nöün pwin saman ika eman märärin seni an famili a tongeni mönisefäli. Nge are a pisekiseksefälila, a pwal tongeni püsin mönisefäli inisin.

Numperis 35:2

“Kopwe allük ngeni ekewe aramasen Israel pwe repwe ngeni chon ewe ainangen Lefi ekoch telinimw seni ar kewe leni ra lenieni, pwe repwe imweimw lon. Repwe pwal ngeniir ekewe fanü mi nom pwelin ünükün ekewe telinimw.