Jeremaia 32:5 - Chuukese Bible

⁵ Iwe, Nepukatnesar epwe uweela Setekia Papilon. Epwe nonom ikenan tori ngang üpwe ämwa. Inamwo ika a maun ngeni ekewe chon Papilon, nge esap win.”

Jeremaia 32:5 Iomraidhean Croise

2. Kronika 13:12

Nengeni, Kot a etikem, i nöüm souemwen, nge nöün kewe souasor ra pwal nom rem fän ar kewe rappwa, pwe repwe ettiki ewe tikin asilesilen maun, pwe aipwe maun ngenikemi. Ämi aramasen Israel, ousap maun ngeni ewe Samol mi Lapalap än ämi kewe lewo we Kot, pun ousap tongeni win.”

2. Kronika 24:20

Mürin, Ngünün Kot a feitiu won Sekaraia nöün ewe souasor Jehoiata we mwän. Ätei a ütä wilitekia seni ekewe aramas o üreniir, “Iei alon Kot: Pwota oua purätiu än ewe Samol mi Lapalap kewe allük? Iei popun ousap tongeni feiöch. Pokiten oua likitala ewe Samol mi Lapalap, i a likitikemiila.”

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Jeremaia 2:37

Kopwe pwal kul seni Isip o rotiu fän om säw, pun ngang ewe Samol mi Lapalap üa oput chokewe ka eäniir apilükülük. Kosap feiöch rer.”

Jeremaia 27:22

“Ekei pisek repwe oola Papilon o nonom ikenan tori ewe rän üpwe pisefäliir. Mürin ngang üpwe aliwinireto o anomusefäliir lon ei leni. Ngang ewe Samol mi Lapalap üa kapas.”

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 32:6

Iwe, Jeremaia a apasa, “Ewe Samol mi Lapalap a üreniei,

Jeremaia 33:5

Lon ewe maun ngeni ekewe chon Papilon, ekewe imw repwe ur ren somän chokewe ngang üpwe nirela lon ai song me lingeringer. Pun üa kul seni ei telinimw pokiten än ekewe aramas föföringau meinisin.

Jeremaia 37:10

Are oupwe fen akufu unusen ewe mwichen sounfiun Papilon mi maun ngenikemi, nge epwe chök wor ekoch me leir mi kinas mi nom lon imwer imw mangaku, ir repwe ütä o kenala ei telinimw.’”

Jeremaia 39:4

Nge lupwen Setekia ewe kingen Juta me nöün kewe sounfiu meinisin ra küneer, ra süla lepwin seni lon ewe telinimw won ewe al mi pwere ngeni tanipin ewe king ren ewe asamalap lefilen ekewe ruu tit. Iwe, ra süla akawenewenen ewe lemolun Jortan.

Jeremaia 39:5

Nge ekewe sounfiun Papilon ra tapweriir o tori Setekia me lon ewe maasiesin Jeriko. Ra liapeni o emwenala ren Nepukatnesar ewe kingen Papilon mi nom Ripla lon ewe fanü Hamat. Iwe, ewe kingen Papilon a apwüngala mine epwe fis ngeni.

Jeremaia 39:7

Mürin a alusawu föün mesen Setekia o föti ngeni selimächä, pwe epwe uweela Papilon.

Kölün kechü 1:14

Ewe Samol mi Lapalap a küna ai kewe tipis meinisin, a rifengeniir o anomuur won afarei. Iwe, üa apwangapwangala ren chöür. A asechieilong lepöün chon oputaei, nge üsap tongeni ü ngeniir.

Isikiel 12:12

Iwe, ewe samol mi nemeniir epwe mwärei an pwotou, lupwen a pwinila, o feila. Repwe pwangeni ewe tit fän itan pwe epwe towu me lon, epwe pwal pwölüela won mesan pwe esap tongeni küna mwan.

Isikiel 12:13

Nge ngang ewe Samol mi Lapalap üpwe aturala ai toloia won, pwe epwe tup lon. Mürin üpwe emwenala Papilon lon fanüen chon Kaltea, nge i esap küna. Iwe, epwe mäla ikenan.

Isikiel 17:15

Nge ewe kingen Juta a ütä ngeni ewe kingen Papilon o tinala nöün chon künö Isip, pwe epwe tüngor seni oris me sounfiu mi chomong. Ifa usun, epwe pwäk ngeni? Ifa usun, eman aramas mi föri ei sokun esap angei liwinin an föför? Ifa usun, a tongeni atai eu pwonen atipeeu, nge esap angei liwinin?

Numperis 14:41

Nge Moses a üreniir, “Pwota oua chök sopwela le purätiu än ewe Samol mi Lapalap allük? Ämi ousap win.