Jeremaia 32:41 - Chuukese Bible

⁴¹ Üpwe pwapwaiti ai üpwe afeiöchüür, üpwe pwal fotukiretiu lon ei fanü fän allükülük ren unusen letipei me lelukei.

Jeremaia 32:41 Iomraidhean Croise

Kölfel 80:8

En ka uwato efoch irän wain seni Isip, ka asüela chon ekewe mwü o fotukätiu ewe irä lon fanüer.

Aisea 60:21

Mürin, noum aramas meinisin repwe föri mine a pwüng. Repwe fanüeni ewe fanü tori feilfeilachök, pun üpwe fotukiir ikenan ren püsin pei, pwe üpwe küna ling rer.

Aisea 62:4

Iwe, kosap chüen iteni “Pöütüla”, fanüom esap pwal chüen iteni “Fanüapö”. Nge kopwe iteni “Hefsipa” , fanüom epwe iteni “Piula” , pun ewe Samol mi Lapalap a pwapwaituk, epwe usun chök ngei pwülüen fanüom.

Aisea 62:5

Iwe, usun eman alüal a pwülüeni eman föpwül, iei usun noum mwän repwe usun chök nge pwülüom, en Jerusalem. Nge usun eman mwän apwüpwülü söfö a pwapwa ngeni ewe fin apwüpwülü söfö, iei usun om Kot epwe pwapwaituk.

Aisea 65:19

Iwe, ngang üpwe pwapwaiti Jerusalem o mwänek ren nei aramas. Esap chüen wor eman epwe rongorong kechü me siön riaföü lon.

Jeremaia 18:9

Iwe, fän ekoch üa apasa usun eu mwichen aramas ika chon eu mwü, pwe üpwe aüretä o fotukiir.

Jeremaia 24:6

Üpwe mamaseer o ümöümöch ngeniir, üpwe pwal aliwinisefäliir ngeni ei fanü. Üpwe afefeitäär, nge üsap ataretiu, üpwe fotukiir, nge üsap üttiretä.

Jeremaia 31:28

Iwe, usun üa mamasa ai üpwe üttiretä o kupiretiu, pwe üpwe atururetiu, ataretiu o afeiengaueer, iei usun üpwe pwal mamasa ai üpwe aüretä o fotukiir.

Isikiel 36:36

Mürin, chon ekewe mwü mi chüen nom ünükümi repwe silei pwe ngang ewe Samol mi Lapalap, üa aüsefälietä ekewe telinimw mi tatakis, üa pwal tanipinisefäli mine a tala. Ngang ewe Samol mi Lapalap üa kapas, üpwe pwal apwönüetä.”

Osea 14:5

Üpwe usun chök amurenipwin ngeni chon Israel. Repwe sonula usun pön kiop, repwe fokun warar usun ekewe irän Lepanon.

Amos 9:15

Üpwe fotuki nei aramas lon fanüer, nge esap wor eman epwe üttisefäliretä seni ewe fanü üa ngeniir.” Iei usun ewe Samol mi Lapalap ämi we Kot a apasa.

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Sefanaia 3:17

Ewe Samol mi Lapalap om we Kot a nom reöm, a wor an manamanen amanaua aramas. Epwe meseik reöm fän pwapwa, epwe asöföök ren an tong. Epwe ingemwareituk fän köl mi leüömong,

Tuteronomi 28:63

Iwe, usun ewe Samol mi Lapalap a pwapwa le afeiöchükemi o achomongakemi, iei usun epwe pwal pwapwa le afeiengauakemi o arosakemiila. Ewe fanü oupwe le tolong lon pwe oupwe fanüeni, oupwe pwal sä seni.

Tuteronomi 30:9

Iwe, ewe Samol mi Lapalap epwe fokun afeiöchü angangen pöümi meinisin o achomonga mwirimwirimi, epwe oupu nöümi pwiin man o achomonga uän ämi pwül. Pun ewe Samol mi Lapalap epwe pwapwa le afeiöchüsefälikemi, usun a pwapwa le afeiöchü ämi kewe lewo.