Jeremaia 32:21 - Chuukese Bible

²¹ Ka emwenawu noum aramasen Israel seni Isip fän asisil me manaman, fän poum mi pöchökül o aköüpöü mi fokun eniuokusu chon oputer.

Jeremaia 32:21 Iomraidhean Croise

2. Samuel 7:23

Ifa usun, mi wor aramasen eu mwü won fanüfan ra wewe ngeni noum aramasen Israel? Ka amanaueer pwe repwe noum aramas. Ka alinga itom o föri föför mi lapalap o eniweniw ren om asüela chon ekewe mwü me ar kewe kot me mwen noum aramas, chokewe ka amanaueer seni Isip.

1. King 8:42

pun ekewe aramas repwe rongorong itom mi iteföüla, pwal usun om kewe föför ka föriir ren poum mi manaman, are ewe chon ekis epwe feito o iotek le sap ngeni ei imwenfel,

1. Kronika 17:21

Ifa usun, mi wor aramasen eu mwü won fanüfan ra wewe ngeni noum aramasen Israel? Ka amanaueer pwe repwe noum aramas. Itom a iteüöch ren om föri föför mi lapalap o eniweniw, pun ka asüela chon ekewe mwü me mwen noum aramas, chokewe ka amanaueer seni Isip.

Kölfel 105:37

Mürin, Kot a emwenawu chon Israel fän silifer me kolt. Esap wor eman me lein chon ar kewe ainang a apwangapwang.

Kölfel 105:43

Iei mine a emwenawu nöün kewe aramas mi fil fän pwapwa me mweireiren köl.

Ekistos 13:14

Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Ekistos 3:20

Iei mine üpwe aitiela pei o afeiengaua chon Isip ren ekewe manaman meinisin ngang üpwe afisätä lefiler. Mürin epwe mwüt ngenikemi pwe oupwe feila.

Ekistos 6:1

Mürin, ewe Samol mi Lapalap a üreni Moses, “Iei kopwe le küna mine üpwe föri ngeni Farao. Pun ren pei mi manaman üpwe pöchökül ngeni Farao pwe epwe tinirewu, ewer, epwe asürela seni fanüan.”

Ekistos 6:6

Iei mine kopwe üreni ekewe aramasen Israel, ‘Ngang ewe Samol mi Lapalap. Üpwe emwenikemiiwu seni fän ämi angangochou ngeni chon Isip, üpwe pwal angasakemi seni ar nöünikemi amanau o amanauakemi fän pei mi manaman pwal ren apwüng mi lapalap.

Aisea 63:12

ewe Kot mi atufichi Moses ren an manaman mi amwarar o kinifeseni ewe matau me mwer, pwe itan epwe ling ren tori feilfeilachök,

Tuteronomi 11:3

Iwe, oua küna an kewe manaman me an kewe föför a föriir me lon Isip ngeni Farao ewe kingen Isip me unusen fanüan.

Tuteronomi 26:8

Iwe, ewe Samol mi Lapalap a emwenikichewu seni Isip ren pöün mi manaman o aköüpöü, fän eniweniu mi lapalap, pwal fän asisil me manaman.

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?

Tuteronomi 7:19

Oupwe chechemeni ekewe feiengau mi watte oua küna ren mesemi, ekewe asisil me manaman, pwal än ewe Samol mi Lapalap emwenikemiiwu ren pöün mi manaman o aköüpöü. Ewe Samol mi Lapalap ämi we Kot epwe föri ngeni ekewe aramas meinisin oua niuokusitiir usun mine a fen föri ngeni chon Isip.