Jeremaia 32:10 - Chuukese Bible

¹⁰ Üa saini ewe toropwen atipeeu, üa appachala o impwangei, üa kütta chon pwärätä o aükü ngeni ewe moni won kilo.

Jeremaia 32:10 Iomraidhean Croise

Keneses 23:16

Iwe, Apraham a tipeeu ngeni Efron. A kiloni ewe silifer Efron a fos usun me mwan fän mesen ekewe chon Hit, pwe epwe ngeni ükükün engol paun silifer. Iwe, Apraham a aea ewe kilo ekewe chon amömö lon ewe leni ra aea.

Keneses 23:20

Iei usun ewe tanipi me ewe pwangen achau mi nom lon, än ekewe chon Hit me lom, Apraham a eäni pwe an lenien peias.

Hiop 14:17

Kopwe amusala ai kewe tipis o atoauerela, kopwe pwölüela ai kewe föföringau.

Än Salomon Köl 8:6

Kopwe pwauni lelukom fän itei, kosap romi eman me lüki. Pun tong a pöchökül usun mäla, nge lukomong a afeiengau usun ewe lenien sotup. Tong a chök kükkü, nge ngetengetan a fokun sarara.

Aisea 30:8

Iwe, Kot a üreniei, “Iei kopwe makeetiu lon eu puk ei pworaus usur, pwe epwe eu puken pwärätä lon kan fansoun repwe feito.

Aisea 44:5

Iwe, eman epwe apasa, ‘Ngang nöün ewe Samol mi Lapalap,’ eman epwe püsin aita ngeni pwe i mwirimwirin Jakop, nge pwal eman epwe makei won pöün ‘Ngang nöün ewe Samol mi Lapalap’ o püsin achuolong lon ewe mwichen chon Israel.”

Jeremaia 32:12

o ngeni Paruk nöün Neria we mwän, nge Neria nöün Maseia. Üa ngeni me fän mesen Hanamel pwii we, fän mesen ekewe chon pwärätä mi saini ewe toropwen atipeeuin kamö, pwal fän mesen ekewe re Juta meinisin mi mot lon ewe lenien chon mas.

Jeremaia 32:25

Nge en ai Kot, Samol mi Lapalap, ka üreniei pwe üpwe möni eu fanü ren moni fän mesen chon pwärätä, inamwo ika ewe telinimw a kan ngeni an epwe oolong lepöün ekewe chon Papilon.’”

Jeremaia 32:44

Aramas repwe möni ekewe tanipi ren moni, repwe saini ekewe toropwen atipeeuin kamö, repwe impwangei o appacha me fän mesen chon pwärätä. Ei epwe fis lon ewe fanü Peniamin, lon ekewe sop ünükün Jerusalem, lon ekewe telinimwen Juta, lon telinimwen ewe fanü mi chukuchukutä, pwal lon telinimwen ewe fanü mi chukutekison me ewe fanü Nekep. Üpwe aliwinisefäli ekewe aramas ngeni fanüer. Ngang ewe Samol mi Lapalap üa kapas.”

Taniel 8:26

Iwe, künaom we usun ekewe asor mi fis lekuniol me lesosor, eman a fen awewe ngonuk, epwe fokun fisitä. Nge kopwe amonomonala künaom ei, pun pworausen eu fansoun epwe feito.”

Mateus 27:66

Iei mine ra feila o pwauni won ewe fau, ra pwal likitätiu ekewe sounfiu pwe repwe mamasa.

Johannes 3:33

Nge are eman epwe etiwa an kapas, a aletätä pwe Kot a let.

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

2. Korint 1:22

o pwaunikich pwe sipwe nöün. A fangelong lon lelukach Ngünün pwe allükülükün mettoch meinisin mine a molotä fän itach.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 4:30

Ousap achouala Ngünmifel, ewe Ngünün Kot, oua pwau ren tori ewe ränin än Kot epwe angasakemi.

Tuteronomi 32:34

Ifa usun, ewe Samol mi Lapalap esap iseis ei lon an imwen iseis, esap lokeelong lon an lenien iseis?

Josua 18:9

Iei mine ekewe mwän ra feila o fetalfeil lon ewe fanü. Ra makeelong lon eu puk lapalapen ewe fanü pwal eu me eu kewe telinimw lon ekewe fisu kinikin. Mürin ra liwinto ren Josua lon Silo ewe ia ra nom ie.

Pwärätä 7:2

Mürin üa küna pwal eman chon läng, a feitä seni ötiu o a uwei ewe pwau än ewe Kot mi manau. Iwe, a kökköwu ren mwelian mi leüömong ngeni ekewe föman chon läng, chokewe Kot a ngeniir manaman, pwe repwe afeiengaua fanüfan me matau.

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.

Rut 4:1

Iwe, Poas a feila ren asamalapen ewe telinimw lon ewe lenien chulap o mottiu ikenan. Mürin, märärin Elimelek we mi fokun kan ngeni, ätewe Poas a fen kapas usun, a feito. Iwe, Poas a kökkö ngeni, “Ätenan, kopwe feito o mottiu ikei.” Iwe, a feito o mottiu.