Jeremaia 30:8 - Chuukese Bible

⁸ Iei alon ewe Samol mi Unusen Manaman, “Lupwen epwe war ewe fansoun, üpwe kupi ewe waas seni won üwer, üpwe mwüti fööföör, nge ekewe chon ekis resap chüen nöüniir amanau.

Jeremaia 30:8 Iomraidhean Croise

Kölfel 107:14

Iwe, a emwenirewu seni lon rochopwak me nürün mäla o mwütifeseni föföör kewe selimächä.

Aisea 10:27

Iwe, epwe fis lon ewe rän, pwe üpwe angei seni won afaremi ewe wosochou me ren chon Asiria, nge ar we waas esap chüen nom lükün üemi.”

Aisea 14:1

Iwe, ewe Samol mi Lapalap epwe ümöümöch ngeni ekewe mwirimwirin Jakop, epwe filisefäli chon Israel o alenier lon poputän fanüer. Chon ekis repwe chiechi ngeniir o pach ngeniir.

Aisea 14:25

Üpwe arosala chon Asiria me lon fanüei, üpwe puriir fän pechei won chuki kana. Üpwe angei seni nei aramasen Israel ewe waas chon Asiria ra anomu wor, pwal woser mi chou.”

Aisea 14:3

Lupwen ewe Samol mi Lapalap epwe angasakemi seni ämi riaföü me fitikoko me angang weires ra achouu ngenikemi,

Aisea 9:4

Pun ka kupi ewe waas mi chou won afarer me ewe wok ra fokun weires ren, ka akufu chon ekewe mwü mi ariaföüür usun ka akufu ekewe sounfiun Mitian me lom.

Jeremaia 2:20

Ewe Samol mi Lapalap a pwal apasa, “Chomong ier ra la, en Israel, kosap mochen anomuk fän ai nemenem. Kosap mochen aleasochisiei o fel ngeniei. Nge ka fel ngeni ekewe koten leres won iteiten chuk pwal fän iteiten irä mi mwuresires.

Jeremaia 25:14

Üpwe liwini ngeni ekewe chon Papilon liwinin ar föför me angangen pöür. Iwe, chomong mwü me king mi lap repwe nöüniir amanau.”

Jeremaia 27:2

“Kopwe föri efoch om waas fiti selin o ämwäralong won üom.

Jeremaia 27:7

Chon ekewe mwü meinisin repwe angang ngeni, pwal ngeni nöün me nöün nöün, tori epwe war püsin feiengauen mwün. Mürin ir repwe angang ngeni chomong mwü me king mi lap.

Jeremaia 28:10

Mürin ewe soufos Hanania a angei ewe waas seni won üei o kupi.

Jeremaia 28:13

“Kopwe feila o üreni Hanania pwe iei alon ewe Samol mi Lapalap, ‘En ka kupi ewe waas seni mwüch, nge ngang üpwe akasiwili ngeni efoch waas seni mächä.’

Jeremaia 28:4

Üpwe pwal aliwinato ngeni ei leni Jehoiachin ewe kingen Juta nöün Jehoiakim we mwän me ekewe chon oola meinisin seni Juta mi feila Papilon, pun üpwe kupi ewe waas än ewe kingen Papilon. Ngang ewe Samol mi Lapalap üa kapas.”

Isikiel 30:18

Saramen rän epwe rochola me lon Tapanes, lupwen üpwe ataela nemenemen Isip o awesi an pöchökül a aingaing won. Iwe, eu kuchu epwe pwölüela Isip, nge chon wisoposopun meinisin repwe oola.

Isikiel 34:27

Ekewe irän lemäl repwe ukua, nge pwülün fanü epwe ämärätä irä mi mürina. Iwe, ekewe aramas repwe nom lon fanüer fän kinamwe. Lupwen üpwe mwüti fööför kewe selimächä o angaseer seni chokewe mi nöüniir amanau, mürin repwe silei pwe ngang ewe Samol mi Lapalap.

Nahum 1:13

Iei üpwe awesi än Asiria nemenem womi o mwüti föfömi.”