Jeremaia 30:7 - Chuukese Bible

⁷ Eu rän mi fokun eniuokus epwe war, esap wor eu rän usun chök ei. Epwe eu fansoun riaföü fän iten ekewe mwirimwirin Jakop, nge ir repwe ngasewu seni.”

Jeremaia 30:7 Iomraidhean Croise

Keneses 32:7

Nge lupwen Jakop a rong ei pworaus, a fokun niuokus o riaföü. Iwe, a aimwüfeseni lon ruu mwich an we mwichen aramas mi nom ren, pwal nöün kewe mwichen sip me kuuch, kow me kamel kana.

Kölfel 25:22

Ai Kot, kopwe angasa chon Israel seni ar kewe weires meinisin.

Kölfel 34:19

Chomong riaföü ra tori ewe chon pwüng, nge ewe Samol mi Lapalap a angasala i seniir meinisin.

Aisea 20:6

Lon ena fansoun chokewe mi nonom arosetin ewe fanü Filistia repwe apasa, ‘Nengeni mine a fis ngeni chokewe sa anomu ach apilükülük wor, sa pwal süla rer pwe repwe alisikich o angasakich seni ewe kingen Asiria. Ifa usun ach sipwe tongeni sü seni ei feiengau?’”

Jeremaia 14:8

En chök än chon Israel apilükülük, en chök chon amanauakem lon fansoun riaföü. Pwota ka usun chök eman chon ekis lon ei fanü, pwota ka usun chök eman chon siamü mi chök pwini epwin?

Jeremaia 2:27

Oupwe itengau ämi meinisin mi kapas ngeni efoch irä, ‘En semem,’ nge ngeni eföü fau, ‘En ka nöünikeemitiu.’ Pun oua kulu sökürümi ngeniei, nge ousap kulu mesemi ngeniei. Nge lupwen fansoun osukosuk oua apasa, ‘Kopwe feito o amanauakem.’

Jeremaia 2:28

Nge ikafa ir ämi kewe kot oua püsin föri fän itemi? Ir repwe feito o manauakemi lon fansoun ämi osukosuk are ra tongeni. Pun ükükün chomongun ämi kewe telinimw, iei ükükün chomongun ämi kewe kot, ämi chon Juta.”

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Kölün kechü 1:12

“Ifa usun, ämi meinisin mi pwerela ünüki ousap ekieki usun ei feiengau? Oupwe nenengeni o küna, ika mi wor och riaföü usun ei riaföü ewe Samol mi Lapalap a atoto woi lon ewe ränin a fokun song ngeniei.

Kölün kechü 2:13

En Jerusalem, met üpwe tongeni apasa usum? Ren met üpwe tongeni achipok? Esap wor eman a riaföü usum, en liewe Sion. Pun om tatakis a watte usun watten ewe matau. Iö a tongeni apöchökülasefäliik?

Kölün kechü 4:6

Än Kot apwüngü nei aramas a kon watte seni an apwüngü Sotom, ewe telinimw mi tala lon eu chök otun ren pöün Kot.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Taniel 9:12

Ka apwönüetä om kapasen pälüenikem me äm kewe sounemenem ren om awarato wom feiengau watte. Iwe, ükükün ewe feiengau mi tori Jerusalem esamwo fis me mwan won unusen fanüfan.

Osea 1:11

Nge ekewe aramasen Juta me ekewe aramasen Israel repwe chufengensefäl o filätä fän iter eman chök chon emweniir. Repwe fefeitä me lon ewe fanü, pun ewe ränin Jesrel epwe eu rän mi fokun aüchea.

Sowel 1:15

Eniwokusun lon ewe rän. Pun ränin ewe Samol mi Lapalap a arap. Ewe rän a war, eu ränin afeiengau me ren ewe Kot mi Unusen Manaman.

Sowel 1:2

Oupwe rongorong, ämi ätemirit, oupwe aü selingemi, ämi meinisin mi nonom lon ei fanü Juta. Ifa usun, ei sokun mettoch a fen fis lon fansoun manauemi ika lon fansoun manauen semelapemi kewe?

Sowel 2:11

Iwe, ewe Samol mi Lapalap a kökkö fän leüömong me mwen an mwichen sounfiu. Ewer, an mwich a fokun watte, nge iteiter mi aleasochisi an kapas ra pwora. Iwe, ränin ewe Samol mi Lapalap a fokun eniwokus. Iö a tongeni pwäk le nonom lon?

Sowel 2:31

Akkar epwe rochola, nge maram epwe wiliti cha mwen epwe war ränin ewe Samol mi Lapalap, ewe rän mi lap o eniwokus.

Mika 4:9

Pwota ka leüömong le puchör? Ifa usun, esap wor eman king a nom reöm? Ifa usun, ra mäla noum kewe chon öüröür, iei popun cheuch a cheruk usun cheuchen fam a cheri eman fefin?

Apakuk 3:16

Üa rongorong usun ekei mettoch, inisi a chechech o awei a sälepwelep ren ai niuokus. Chüi ra kiroula, nge pechei ra täpäp. Üpwe witiwit fän mosonoson fän iten ewe ränin riaföü epwe feito won ekewe aramas mi mauneekem.

Sekaraia 14:7

Epwe eu rän mi sokola, eu rän ewe Samol mi Lapalap echök a silei. Esap fis rän ika pwin, nge lupwen fansoun lekuniol epwe wor saram.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Markus 13:19

Pun riaföün lon ekana rän epwe fen lap seni ekewe riaföü mi fen fis seni lepoputän, lupwen Kot a föri fanüfan tori ikenai, esap pwal fissefäl ena sokun lon ekewe fansoun repwe feito.

Föför 2:20

Akkar epwe rochola, nge maram epwe wiliti cha, mwen epwe war ränin ewe Samol, ewe rän mi lap o ling.

Nöün Paulus Toropwe ngeni ekewe Souläng lon Rom 11:26

Iwe, iei usun chon Israel meinisin repwe küna manau, usun a mak lon ekewe Toropwe mi Pin, “Ewe chon Amanau epwe feito seni Sion o angei seni ekewe mwirimwirin Jakop ar föföringau meinisin.

Pwärätä 6:17

Pun ewe rän mi lap a war, ewe ränin ar song, nge iö epwe tongeni ü ngeni?”