Jeremaia 30:6 - Chuukese Bible

⁶ Iei oupwe ais o ekieki. Ifa usun, a tufich än eman mwän epwe nöünätiu eman semirit? Pwota üa küna pwe ekewe mwän meinisin ra anomu pöür won wilar usun eman fefin mi cheri an cheuchen fam? Pwota won meser a wopwechepwechela?

Jeremaia 30:6 Iomraidhean Croise

Kölfel 48:6

Ikenan niuokus a toriir, cheuch a cheriir usun eman fefin a tori an cheuchen famw.

Aisea 21:3

Ren ei inisi a fokun metek, och cheuch a cheriei usun cheuchen fam a cheri eman fefin. Üa fokun niuokus ren mine üa rongorong, üa rükö ren mine üa küna.

Aisea 29:22

Iei mine ewe Samol mi Lapalap, ewe Koten Israel, ewe mi amanaua Apraham seni an weires, a apasa, “Nei aramas, ousap chüen itengau, ousap pwal chüen wowon säw.

Jeremaia 13:21

Met kopwe apasa, are chokewe ka aita ngeniir pwe chiechiom ra liapenuk o nemenuk? Ifa usun, esap cheruk cheuch usun cheuchen fam a cheri eman fefin?

Jeremaia 22:23

Ämi mi nom won ewe chuk Lepanon o imweimw imwesetar, oupwe fokun ngüngü, lupwen cheuch a cherikemi, eu cheuch usun cheuchen fam a cheri eman fefin.

Jeremaia 4:31

Üa rongorong eu puchör usun puchörun eman fefin mi tori an cheuchen fam, eu puchör fän riaföü usun puchörün eman fefin mi nöünätiu aemanün nöün. Üa rongorong puchörün Sion mi ngasalap, a aitiewu pöün o apasa, “Feiengauei, üa masaroch, nge chon niela aramas repwe angeala manauei.”

Jeremaia 48:41

Epwe liapeni ekewe telinimw me ekewe imwen maun mi pöchökül. Lon ena rän, ekewe sounfiun Moap repwe niuokus usun chök eman fefin, lupwen a tori an cheuchen fam.

Jeremaia 49:22

Nengeni, ewe chon oputa epwe ässfeil o müttir ässitiu won Posra usun eman ikel a ässitiu o ameresala pöükässin won. Lon ena fansoun ekewe sounfiun Etom repwe niuokus usun chök eman fefin, lupwen a tori an cheuchen fam.”

Jeremaia 49:24

Ekewe chon Tamaskus ra apwangapwangala, ra kul o sü fän niuokus watte. Riaföü me cheuch a cheriir usun eman fefin a cheri an cheuchen fam.

Jeremaia 50:43

Ewe kingen Papilon a rong pworauser. Mürin, pöün ra chök ititiu. Niuokus watte a feitiu won, a pwal cheri cheuch usun cheuchen fam a cheri eman fefin.

Jeremaia 6:24

Ekewe aramasen Jerusalem ra apasa, “Sa rongorong ei pworaus, pöüch ra chök ititiu. Niuokus watte a torikich, pwal cheuch a cherikich usun cheuchen fam a cheri eman fefin.

Taniel 5:6

Mürin, won mesen ewe king a wopwechepwechela, nge pwäsukun ra nechefengen, pun a fokun niuokus.

Osea 13:13

Israel a tongeni manau, nge a fokun tiparoch, pun esap mochen angei ewe manau. A wewe ngeni eman mönükol mi tori fansoun an epwe towu seni letipen inan, nge esap mochen.

Sowel 2:6

Iwe, lupwen aramas ra küneer, ra fokun rükö, nge won meser a wopwechepwechela ren ar niuokus.

Nahum 2:10

Ewe telinimw a tala o pön, esap chüen so. Leluken aramas a kisikisila, pwäsukur a chechech, esap chüen wor ar pöchökül, won meser a pwechela.

1. Tesalonika 5:3

Lupwen aramas ra apasa, “Mettoch meinisin a kinamwe o nükünüköch”, mürin feiengau epwe müttir toriir usun cheuchen fam a tori eman fefin, nge esap wor eman aramas epwe tongeni sü seni.