Jeremaia 30:3 - Chuukese Bible

³ Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 30:3 Iomraidhean Croise

Esra 3:1

Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ra tipeeu le chufengen lon Jerusalem.

Esra 3:12

Nge chomong me lein ekewe souasor me ekewe mwän seni ewe ainangen Lefi, pwal ekewe mwänirelan än semer kewe cho, ir ekewe chinlap mwän mi küna ewe aeuin imwenfel, ra leüömong le kechü, lupwen ra küna pwe a fis longolongun ei imwenfel. Nge pwal chomong me lein ekewe aramas ra fokun leüömong fän ar pwapwa.

Esra 3:8

Iwe, lon ewe aruuen maramen ewe aruuen ierin ar liwinla ren ewe imwen Kot lon Jerusalem, Serupapel nöün Sealtiel me Jesua nöün Jehosatak ra popuetä ewe angang, nge märärir kewe, ekewe souasor me chon ewe ainangen Lefi, pwal meinisin mi liwinla Jerusalem seni ar oola ra etiir. Iwe, ra awisa ekewe mwän seni ewe ainangen Lefi seni ier rüe feitä pwe repwe nemeni angangen ewe imwenfel.

Kölfel 126:4

Ai Samol mi Lapalap, kopwe aliwinisefälieto ekewe chon oola meinisin, usun chök ekewe chanpupu lon Nekep ra lölösefäl ren üt.

Kölfel 53:6

Amwo eman epwe feito seni Sion o amanaua chon Israel. Ekewe chon Israel repwe fokun pwapwa, lupwen Kot epwe aliwini ngeniir wöür.

Jeremaia 16:15

Nge repwe apasa, ‘Mwo manauen ewe Samol mi Lapalap mi emwenawu ekewe aramasen Israel seni ewe fanü efeng, pwal seni lon ekewe fanü meinisin ia a asürela ie.’ Pun ngang üpwe aliwinisefälireto ngeni püsin fanüer üa ngeni ar kewe lewo.”

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Jeremaia 27:22

“Ekei pisek repwe oola Papilon o nonom ikenan tori ewe rän üpwe pisefäliir. Mürin ngang üpwe aliwinireto o anomusefäliir lon ei leni. Ngang ewe Samol mi Lapalap üa kapas.”

Jeremaia 29:10

Pun iei alon ewe Samol mi Lapalap, ‘Are a wes ekewe fik ier fän iten Papilon, ngang üpwe ämwakemi. Üpwe apwönüetä ai pwon ngenikemi o aliwinikemi ngeni ei leni.

Jeremaia 29:14

Ewer, üa apasa pwe oupwe künaei, nge ngang üpwe aliwinisefälikemi ngeni fanüemi. Üpwe achufengenikemi seni ekewe mwü me ekewe leni meinisin ia üa atoropasakemiila ie o aliwinisefälikemi seni ewe leni ia üa tinikemiila ie pwe oupwe oola. Ngang ewe Samol mi Lapalap üa kapas.’

Jeremaia 3:18

Lon ekana rän chon Juta me chon Israel repwe chufengen, repwe feitopök seni ewe fanü efeng ia ra oola ie, o liwinla ngeni ewe fanü üa ngeni ämi kewe lewo, pwe repwe fanüeni.’”

Jeremaia 30:10

Nge ämi mwirimwirin Jakop nei chon angang, ousap niuokus, ousap rükö, ämi chon Israel. Pun üpwe fokun amanauakemi seni ewe fanü mi toau, pwal mwirimwirimi seni ewe fanü ia ra oola ie. Ämi mwirimwirin Jakop, oupwe liwinsefälito o nonom fän kinamwe, nge esap wor eman epwe eniuokusukemi.

Jeremaia 30:18

Iei alon ewe Samol mi Lapalap, “Nengeni, üpwe aliwinisefäli nei aramas ngeni fanüer o tongei lenier. Jerusalem epwe kaüsefäl won lerasan me lom, nge ewe imwen king epwe kaütä won wesewesen lenian.

Jeremaia 30:4

Ikkei ekewe kapas ewe Samol mi Lapalap a apasa fän äsengesin Israel me Juta,

Jeremaia 31:16

Kopwe ükütiu le kechü o tölüpwasei mesom, pun om angang fän iten noum kewe epwe wor lomotan, repwe liwinto seni fanüen chon oputer.

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Jeremaia 31:27

Iei alon ewe Samol mi Lapalap, “Epwe war ewe fansoun, lupwen üpwe amasoua ewe fanü Israel me Juta ren aramas me man.

Jeremaia 31:31

Iei alon ewe Samol mi Lapalap, “Epwe war ewe fansoun üpwe föri eu pwon mi fö ngeni chon Israel me chon Juta.

Jeremaia 31:38

Iei alon ewe Samol mi Lapalap, “Epwe war ewe fansoun pwe ewe telinimw Jerusalem epwe kaüsefäl fän itei seni ewe imw tekia än Hananel me pelilotou tori ewe Asamalapen Pwokuku.

Jeremaia 32:37

Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.

Jeremaia 32:44

Aramas repwe möni ekewe tanipi ren moni, repwe saini ekewe toropwen atipeeuin kamö, repwe impwangei o appacha me fän mesen chon pwärätä. Ei epwe fis lon ewe fanü Peniamin, lon ekewe sop ünükün Jerusalem, lon ekewe telinimwen Juta, lon telinimwen ewe fanü mi chukuchukutä, pwal lon telinimwen ewe fanü mi chukutekison me ewe fanü Nekep. Üpwe aliwinisefäli ekewe aramas ngeni fanüer. Ngang ewe Samol mi Lapalap üa kapas.”

Jeremaia 33:26

mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”

Jeremaia 51:60

Iwe, Jeremaia a makei lon echö toropwe usun ekei feiengau meinisin repwe tori Papilon, ekewe kapas meinisin mi fen maketiu fänäsengesin Papilon.

Isikiel 20:42

Iwe, lupwen üpwe aliwinikemiila lon ewe fanü Israel, ewe fanü üa pwon fän akapel ngeni ämi kewe lewo pwe üpwe ngeniir, mürin oupwe silei pwe ngang ewe Samol mi Lapalap.

Isikiel 34:13

Üpwe emwenirewu seni lein ekewe mwü, üpwe pwal achufengeniir seni lon ekewe fanü o emwenirelong lon poputän fanüer. Üpwe amongöör won ekewe chukun Israel, ünükün ekewe chanpupu, pwal lon ekewe leni meinisin mi so lon ewe fanü.

Isikiel 36:24

Iwe, üpwe angeekemi seni lein ekewe mwü o achufengenikemi seni lon ekewe fanü meinisin, üpwe pwal aliwinikemiilong lon püsin fanüemi.

Isikiel 47:14

Iwe, oupwe kinikinöchfengen won ei fanü. Pun üa pwon fän akapel ngeni ämi kewe lewo pwe üpwe ngeniir ei fanü, iei mine ämi oupwe faffanü seni.

Sowel 3:1

Iwe, ewe Samol mi Lapalap a üra, “Lon ena fansoun, lupwen ngang üpwe aliwinisefäli chon Juta me chon Jerusalem,

Sefanaia 2:7

Ekewe chon Juta mi chüen manau repwe fanüeni ewe fanü mi nom aroset. Repwe foleni nöür sip won, nge lefäf repwe anut lon imwen chon Askalon. Ewe Samol mi Lapalap ar we Kot epwe kirikiröch ngeniir o aliwini ngeniir wöür.

Sefanaia 3:20

Lon ena fansoun, lupwen üpwe achufengenikemi, üpwe aliwinisefälikemi ngeni leniemi. Üpwe aiteüöchükemi me lein chon fanüfan meinisin pwe repwe mwareitikemi, lupwen üpwe aliwinisefäli ekewe chon oola.” Iei alon ewe Samol mi Lapalap.

Lukas 17:22

Mürin Jesus a üreni nöün kewe chon kaiö, “Epwe war ewe fansoun, lupwen oupwe fokun mochen küna eu ekewe ränin Nöün Aramas, nge ousap fokun küna.

Lukas 19:43

Pun epwe war ewe fansoun pwe chon oputom repwe pwelifeiliik, repwe aüetä ar ororen maun ünükum o rongeekela.

Lukas 21:6

“Iei oua küna ekei mettoch meinisin. Nge epwe war ewe fansoun, lupwen esap fokun wor eföü fau epwe chüen nom lon lenian. Meinisin ekei fau repwe toropasetiu.”

Tuteronomi 30:3

mürin, ewe Samol mi Lapalap ämi we Kot epwe afeiöchüsefälikemi o eäni tong ngenikemi. Iwe, epwe achusefälikemi seni lein ekewe aramas, ia ämi we Kot a atoropasafeilikemi ie.

Tuteronomi 30:5

Ewe Samol mi Lapalap ämi we Kot epwe emwenikemiilong lon ewe fanü, ämi kewe lewo ra fen fanüeni, pwe oupwe fanüenisefäli. Iwe, epwe alapala wöümi o achomongakemiila seni chomongun ämi kewe lewo.

Ipru 8:8

Nge lupwen Kot a küna mwälin nöün kewe aramas, a apasa, “Ewe Samol a apasa: Epwe war ewe fansoun, lupwen üpwe föri eu pwon mi fö ngeni chon Israel me chon Juta.