Jeremaia 30:2 - Chuukese Bible

² “Kopwe makei lon eu puk ekewe kapas meinisin üa ürenuk.

Jeremaia 30:2 Iomraidhean Croise

Ekistos 17:14

Mürin, ewe Samol mi Lapalap a üreni Moses, “Kopwe makei ei pworaus lon eu puk pwe aramas repwe chechemeni. Kopwe pwal üreni Josua pwe üpwe fokun arosala ekewe chon Amalek, pwe esap wor eman epwe chechemeniir me won fanüfan.

Aisea 30:8

Iwe, Kot a üreniei, “Iei kopwe makeetiu lon eu puk ei pworaus usur, pwe epwe eu puken pwärätä lon kan fansoun repwe feito.

Aisea 8:1

Mürin, ewe Samol mi Lapalap a üreniei, “Kopwe angei epek fau mi chöpöp o makei won ren itechik aramas ra tongeni aleani ‘Maher-salal-haspas.’

Jeremaia 25:13

Üpwe atoto won Papilon ekewe feiengau meinisin üa fen apasa fän itan, meinisin mine a mak lon ei puk, ekewe kapasen feiengau Jeremaia a osuni fän iten ekewe mwü meinisin.

Jeremaia 30:1

Iwe, ewe Samol mi Lapalap, ewe Koten Israel a üreni Jeremaia,

Jeremaia 36:28

“Kopwe angei pwal echö toropwe o makei lon ekewe kapas meinisin mi fen mak lon ewe aeuin toropwe, Jehoiakim ewe kingen Juta a kenala.

Jeremaia 36:32

Mürin, Jeremaia a angei pwal echö toropwe o ngeni Paruk ewe soumak. Iwe, Jeremaia a niwowomönü ngeni Paruk ekewe kapas meinisin mi fen mak lon ewe toropwe Jehoiakim ewe kingen Juta a kenala, a pwal apacha chomong kapas mi wewe ngeniir.

Taniel 12:4

Nge en Taniel, kopwe tukumala ekei kapas, kopwe numala ewe puk o fötala tori fansoun sopolan fanüfan. Iwe, chomong aramas repwe sotun kütta wewen, nge ar weweiti epwe lapala.”

Nöün Paulus Toropwe ngeni ekewe Souläng lon Rom 15:4

Pun meinisin mine a mak lon ekewe Toropwe mi Pin a mak fän iten ach sipwe kaiö seni, pwe epwe wor ach apilükülüköch ren ach likitü pwal ren ach küna pöchökülen letipach mi torikich seni ekewe Toropwe mi Pin.

1. Korint 10:11

Ekei mettoch meinisin ra fis ngeniir pwe eu lenien awewe fän iten ekewe pwal ekoch, eman a makkeretiu pwe repwe eu kapasen fön fän itach. Pun sia manau lon eu fansoun a arapoto fansoun sopolan.

Tuteronomi 31:19

Iei mine kopwe makei ei köl o aiti ngeni ekewe aramasen Israel, pwe repwe kökölü. Pun ei köl epwe wisen pwärätä fän itei o ü ngeni ekewe aramasen Israel.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:19

Iei kopwe makkei ekewe mettoch ka küna, ekewe mettoch a wor iei, pwal ekewe mettoch repwe fis me mürin.